VOV4.Bahnar - “Tơ drong vei lăng têt Nguyên đán ăn bơ ngai jang đơ̆ng anih jang Công đoàn ling lang đei tơ lĕch jang kiơ̆ tôm kiơ̆ lơ̆m jơ hngơ̆m đon ưh kơ lê̆ đoàn viên, bơ ngai jang hơ yơ ưh kơ đei Têt. Lơ̆m năr Têt nguyên đán Nhâm Dần sơ năm ‘nâu, tơ drong jang vei lăng têt tơ lĕch jang akŏm tơ̆ anih jang, hăm akŏp kơ sô̆ jên vei lăng ăn đoàn viên bơ ngai jang dang 2.400 ti hlak jên đơ̆ng jên hu mong răk kơ công đoàn”. ‘Nâu jĭ kơ tơ̆ng ang tơ̆ hop akŏm tơ roi tơ băt hăm khŭl chih kơ tơ̆ng ang yua đơ̆ng Tổng Liên đoàn Lao động Việt Nam pơ gơ̆r kơ sơ̆ ‘năr 2/12 tơ̆ Hà Nội. Hăm hơ năn “Têt ngôi hơ dai - Pơ yan puih phang sơ đơ̆ng hiôk”, tơ drong jang vei lăng Têt ăn đoàn viên, bơ ngai jang sơ năm ‘nâu đei rim kơ dră công đoàn pơ gơ̆r găh lơ tơ̆ tơ ring păng kơ dră kơ pal kơ tă tơ̆ tơ ring ( hơ nih jang kơ măy kơ mŏk, hơ nih pơm tơ lĕch, hơ nih jang mŭk drăm), tơ̆ rim anih jang mơ dro sa, hơ nih đei lơ lap  đoàn viên, bơ ngai jang.

Thuem: Tơ blơ̆