VOV4.Bahnar – Pơtoi kơ tơdrong apinh păng tơl nơ̆r, pơgê âu (11/11), Ƀô̆ trưởng Anih tơm Axong jang – Linh jĭ rơka păng Tơpôl Đào Ngọc Dung pơtoi tơl nơ̆r apinh hăm dôm tơdrong axong jang, linh jĭ rơka păng tơpôl. Pơtoi kơ noh, Ƀô̆ trưởng Anih tơm Pơtho Pơhrăm Nguyễn Kim Sơn păng Ƀô̆ trưởng Anih tơm Axong jang Nguyễn Chí Dũng duh athei tơl nơr apinh găh dôm tơdrong pơtho pơhrăm păng tơdrong axong jên pơm jang. Lơ̆m 'măng apinh ăh kơsơ̆ 'năr brei, Ƀô̆ trưởng Anih tơm Axong jang Linh jĭ rơka păng Tơpôl hlôi akŏm pơm hơdăh dôm trong jang vei lăng đe hơ ioh pơti mĕ ƀă đơ̆ng rŏng kơ pơrang jĭ. Kơtă đơ̆ng rŏng kơ tơl nơ̆r đơ̆ng Ƀô̆ trường Đào Ngọc Dung, pơgê âu, Kuôk hô̆i pơtoi tơdrong apinh hăm dôm tơdrong mă 3 găh pơtho pơhrăm. Lơ̆m kơsơ̆ âu, Kuôk hô̆i pơtoi apinh găh dôm tơdrong mă 4 găh axong jên pơm jang, akŏm lơ̆m dôm trong hơmet păng hơtŏk mŭk drăm lơ̆m khei năr pơkăp 'nao; dôm trong pơkăp tơgŭm, pơklaih tơnap tap ăn anih jang mŭk drăm, hơp tak xăh vă hơmet hơtŏk pơm jang tĕch pơdro.

Lan chih păng pơre nơ̆r