VOV4.Bahnar - Kiơ̆ đơ̆ng Dơnŏ anĭh Kanh sat vei lăng trong nơnăm găh Dơnŏ anĭh tơm Kŏng ang tơbăt, 3 năr pơdơ̆h Têt Dương lĭch (đơ̆ng năr 1/1 trŭh năr 3/1), lơ̆m tĕh đak đei 64 ‘măng gre tơtơ̆m hơlŭk, pơm ăn 38 ‘nu bơngai lôch, 35 ‘nu rơka. Lơ̆m kơsô̆ au, trong tĕh đei 63 ‘măng gre tơtơ̆m hơlŭk, pơm ăn 38 ‘nu bơngai lôch, 35 ‘nu rơka. Iung jang kơtang vei lăng sơđơ̆ng trong nơnăm, sơđơ̆ng tơpôl lơ̆m khei ‘năr đĭ sơnăm Têt dương lĭch, Têt Nguyên đán Nhâm Dần păng rim năr lêh blŭng pơyan Puih mak sơnăm 2022, lơ̆m 3 năr au ki, Kanh sat vei lăng trong nơnăm kơ Kŏng ang rim dêh char pơlei tơm hlôi dăr joang, ƀô̆h, xek phak 19.200 ‘nu bơngai pơm glăi sơđơ̆ng trong nơnăm, phak kăp jên 22 ti 650 trĭu hlak jên; rôp gơ̆t hlŏh 1.200 ƀăng vơ̆r gre rim kơ loăi, lơ̆m au pơm glăi găh et tơdrô hơlăk, xek tơlang 812 ‘nu bơngai păng 4 ‘nu vơ̆r gre đei yua ma tuý.

Tơblơ̆ nơ̆r: Amazưt