VOV4.Bahnar - Yak tru\h tơ băt 73 sơ năm Năr linh j^ rơ ka – linh lôch do\ng te\h đak (27/7), pơ gê hei (24/07), 300 ‘nu bơ ngai tang măt ‘no\h j^ dôm me\ Việt Nam nu\ih mơng tang măt ăn vă je# 5.000 me\ Việt Nam nu\ih mơng oei ar^h lơ\m te\h đak vang jang rim tơ drong jang “ Tơ [ơ\p mu\h măt bơ ngai tang măt Me\ Việt Nam nu\ih mơng lơ\m te\h đak sơ năm 2020”, pơ gơ\r tơ\ Hà Nội đơ\ng ‘năr 23 tru\h ‘năr 25/7.

Kiơ\ tơ drong jang, pơ gê hei (24/7), rim Me\ Việt Nam nu\ih mơng mơ\t hơ pong tơ\ pơ sat [ok Kơ dră Hồ Chí Minh. Đơ\ng ro\ng ‘no\h, dôm đe me\ vang ako\m jơ [ơ\p mu\h măt yua đơ\ng 1,2 an^h jang păng khu\l gru\p pơ gơ\r. Tơ\ kơ sơ\, khu\l tang măt dôm đe Me\ Việt Nam nu\ih mơng vang ako\m jơ tơ [ơ\p mu\h măt yua đơ\ng Kơ dră Kuôk ho#i Nguyễn Thị Kim Ngân pơ gơ\r.

‘Nâu j^ tơ drong jang tơ [o#h tơ drong ‘mêm, hơ năp jang đơ\ng Đảng, te\h đak, rim kơ dră an^h jang Đảng, khu\l kơ dră che\p kơ\l, Mặt trận Tổ quốc, rim khu\l gru\p ku\m hăm kon pơ lei păng khu\l linh lơ\m te\h đak hăm tơ drong jang vei lăng bơ ngai đei ko\ng hăm kach mang pơ ma atu\m, dôm đe me\ Việt Nam nu\ih mơng pơ ma hơ dro#.

Thuem: Tơ blơ\