VOV4.Bahnar - ‘Năr 18/11, tơ\ Hà Nội, An^h jang kơ te\h đak găh ASEAN 2020 pơ gơ\r hôp roi tơ băt hăm apu\ng plenh te\h găh Sơ năm pơm Kơ dră ASEAN 2020 đơ\ng Việt Nam. Pho\ Kơ dră tơm jang tơ bôl Nguyễn Quốc Dũng  – Tổng thư ký An^h jang kơ te\h đak găh ASEAN 2020 pơ ma hơ dăh, Việt Nam kho\m adrin păng ‘măn tơ drong tơ gu\m tôch ai vă bơ\ jang ‘lơ\ng hơ năp jang trăp tr^n, vang pơ jing tơ pôl ASEAN roi đunh roi pran kơ jăp.

Hăm hơ năn “Tơ guăt păng kơ chăng ‘moi kiơ\”, lơ\m tơ drong jang pơm Kơ dră ASEAN 2020, Việt Nam vă hơ to\k 5 tơ drong tơ gu\m jang đei: Pơm tơ iung tơ drong jang păng tơ drong tơ gop ‘lơ\ng đơ\ng ASEAN lơ\m tơ drong vei lăng rơ ngei, sơ đơ\ng ‘lơ\ng lơ\m tơ ring; Tưk tơ iung tơ drong jang hơ doi lơ\m tơ ring, hơ to\k jơ hngâm jang kiơ\ păng tơ ge\ch io\k tơ drong ‘lơ\ng đơ\ng jang kơ măy kơ mo\k 4.0; Tơ iung đon hlôh vao ăn tơ pôl, pơ jing kơ jăp kăp g^t atu\m ăn ASEAN păng pơ truh ăn rim răih kon pơ lei; Hơ to\k tơ drong pơ vei đơ\ng ASEAN hăm dôm te\h đak yoa tơ drong rơ ngei, jang to\k pran kơ jăp; hơ to\k jơ hngâm jang kiơ\ păng đei yoa ‘lơ\ng đơ\ng khul kơ dră pơ gơ\r ASEAN.

Dơ\ng: Tơ blơ\