VOV4.Bahnar - Kơsơ̆ năr 3/5, Hơnĭh tơm Kanh sat vei lăng trong gre nơnăm tơbăt, lơ̆m 4 năr pơdơ̆h lê̆h năr 30/4-1/5 lơ̆m tĕh đak bơ̆n đei 111 ‘măng gre tơtơ̆m, pơm ăn 58 ‘nu bơngai lôch, 64 ‘nu rơka. Pơtêng hăm 4 năr pơdơ̆h lê̆h sơnăm sơ̆ gre tơtơ̆m tơ jur 3 tơdrong pơkăp găh ‘măng tơtơ̆m, găh măt bơngai lôch păng măt bơngai rơka. Lơ̆m 4 năr pơdơ̆h lê̆h, khŭl Kanh sat vei lăng trong nơnăm lơ̆m tĕh đak hlôi năm pơtrui, dăr joang đei ƀô̆h, xek phak 33.000 ‘nu bơngai pơm glăi sơđơ̆ng trong nơnăm; rôp gơ̆t 207 tong gre ôtô, hlŏh 7.000 tong gre môtô, gre bơbĭt; rôp gơ̆t 2.320 ƀăng vơ̆r gre. Mă lei, kơ yuơ gre păng bơngai yak tơ̆ trong tôch kơ lơ tơ̆ mĭnh ƀar jăl trong tơm, mă kăl tơ̆ rim trong mơ̆t lĕch lơ̆m hơnĭh tơm Hà Nội păng pơlei tơm Hồ Chí Minh, lơ̆m mă trong nơnăm tim mă ƀlep hăm tơdrong ‘mĕh vă ‘lơ̆ng sơđơ̆ng kơna mă đơ̆ng khŭl kanh sat vei lăng trong nơnăm bơ̆ jang vei lăng, pơtho tơbăt tôch kơtang đơ̆ng hrôih, đơ̆ng atăih, mă lei oei đei đĕch gre tơhlăk tơhlĭn trong nơnăm.

Tơblơ̆ nơ̆r: Amazưt