VOV4.Bahnar - Anih mong jên hơ tŏk tơ iung Châu Á (ADB) ‘nao kĭ ăn kơ sô̆ jên tŏk iŏk kơ jă 58 triệu đô lar păng kơ sô̆ jên tơ gŭm ư̆h kơ pơ dreo 2 triệu đô lar vă hơ tŏk ‘lơ̆ng tơ drong pơm lăp hăm tơ plih tŏ ‘mi kial, anih jang kăl trong nơ năm păng pơ truh đak tơ̆ rim dêh char tơ ter đak dơ sĭ Pơ băh tŏk bŏk kơ Việt Nam ‘noh Bình Định păng Quảng Nam, mă loi ‘noh jĭ tơ̆ dôm apŭng groi kông, tơ ring hơ tăih hơ tŏ, hơ nih đei lơ bơ ngai kon kông. Tơ drong jang ming man anih jang kăl pơm lăp hăm tơ plih tŏ ‘mi kial ăn kon pơ lei kon kông jăl jang 1 gô pơm hơ met 121,8 km trong kiơ̆ rim tơ drong hơ găt pơm tơ jră tŏ ‘mi kial, ming man 115 km trong đing pơ truh đak, păng tơ gŭm pơ truh hla ar chih kăl găh tŏ ‘mi kial 1 trong tơ tom păng đei yua găh kon jên. Tơ chĕng hơ drol dang 243.000 ‘nu, lơ̆m noh đei 126.300 ‘nu kon pơ lei găh dôm grŭp kon kông, gô đei sa yua đơ̆ng tơ drong jang.

Thuem: Tơ blơ̆