VOV4.Bahnar - Ƀlep ƀơ̆t tơ băt 50 sơ năm năr pơ jing tơ drong pơ vei jang tơ bôl đơ̆ng teh đak Cộng hòa xã hội chủ nghĩa Việt Nam păng teh đak Cộng hòa Ấn Độ ( 7/1), ‘năr 7/1, tơ̆ anih bơ̆ jang kơ Anih tơm jang tơ bôl, Phŏ kơ dră Anih tơm jang tơ bôl Nguyễn Quốc Dũng păng kơ dră tang măt teh đak Cộng hoà Ấn Độ Pranay Verma hlôi ăn băl Kơ thơ chhôk hơ iă đơ̆ng kơ dră teh đak Nguyễn Xuân Phúc păng Kơ dră tơm teh đak Ấn Độ Ram Nath Kovind; Kơ thơ chhôk hơ iă đơ̆ng Thủ tướng teh đak Phạm Minh Chính păng Thủ tướng Ấn Độ Narendra Modi; Kơ thơ chhôk hơ iă đơ̆ng Kơ dră Kuôk hô̆i Vương Đình Huệ păng Phŏ Kơ dră tơm teh đak, Kơ dră Thượng viện Ấn Độ Venkaiah Naidu păng Kơ dră Hạ viện Om Birla. Lơ̆m kơ thơ chhôk hơ iă, rim kơ dră chĕp kơ̆l Việt Nam akhan Việt Nam păng Ấn Độ dang ei hlôi jing bơ ngai buăl, jang hơ dai lui ngeh păng tơ drong kơ dră chĕp kơ̆l 2 teh đak pơ drơ̆ng kiơ̆ tơ chơ̆t trĕng lăng atŭm Việt Nam - Ấn Độ găh rơ ngei, hơ nŭk hơ noa păng kon pơ lei hlôi pơm dơ̆ng dôm tơ drong ‘lơ̆ng ‘nao hơ tŏk tơ iung tơ drong pơ vei jang hơ dai tôm tong lơ̆m lơ tơ drong jang hơ dai, hơ nhăk ăn dôm tơ drong đei yua ‘lơ̆ng ăn khŭl kơ dră teh đak păng kon pơ lei 2 teh đak.

Thuem: Tơ blơ̆