VOV4.Bahnar – {an Bí thư ‘nao tơ le\ch tơ drong tơ chơ\t kơ so# 33 găh hơ to\k tơ drong pơ jing Đảng lơ\m dôm an^h jang mu\k drăm kơ dih. Nơ\r chih lơ\m hla ar tơ chơ\t hlôi hơ len năng tơ drong pơ jing Đảng lơ\m dôm an^h jang mu\k drăm kơ dih, tơ drong ‘lơ\ng păng dôm tơ drong tam mă pran, chih hơ dăh kơ lih yoa kiơ.

{an Bí thư athei rim an^h jang đảng, khul jang đảng ako\m jơ hngâm bơ\ jang ‘lơ\ng 1,2 tơ drong: Hơ to\k tơ drong che\p kơ\l, pơ gơ\r đơ\ng an^h jang đảng, ako\m jơ hngâm rim an^h jang chinh tr^, bơ\ jang đei yoa tơ drong krao hơ vơn kon pơ lei, roi tơ băt, pơ tho tơ [ôh, pơ lung, pơm tơ plih ‘lơ\ng găh đon hlôh vao păng tơ drong bơ\ jang đơ\ng kăn [o#, đảng viên, tơ ‘ngla an^h te\ch mơ dro păng bơ ngai jang găh trong jang đơ\ng Đảng, te\h đak tơ jur vă ato\k tơ iung mu\k drăm tơ\ an^h jang kơ dih jing tơ drong g^t kăl lơ\m tơ drong jang mu\k drăm kiơ\ trong xã hội chủ nghĩa.

Rim khul kơ dră pơ gơ\r tơ ring athei kơ chăng, hơ to\k tơ drong tơ [âp, pơ ma nuh hăm an^h te\ch mơ dro vă băt hơ dăh rim tơ drong, tơ tom hơ met pơ ‘lơ\ng mơ mat tat, tơ hlăk tăk, drơ\ng 1 nơ\r lơ\m tơ drong pơ jing păng pơ gơ\r bơ\ jang kơ an^h jang đảng, khul gru\p jang chinh tr^, tơ pôl tơ\ an^h te\ch mơ dro…

Dơ\ng: Tơ blơ\