Lơ̆m jơnăr năm ngôi tơ̆ Việt Nam, Thủ tướng Nhật Bản Takaichi Sanae mât lăng Pơsat Ƀok Hô; ming kơvang pơkao ƀât Rup man Ƀlŏk hơdơ̆r kơ đe linh lôch tang ăn teh đak tơ̆ Trong Bắc Sơn, Hà Nội. Tổng Bí thư, Kơdră teh đak Tô Lâm sơng Thủ tướng Nhật Bản. Thủ tướng Lê Minh Hưng pơgơ̆r pơma đam hăm Thủ tướng Nhật Bản Takaichi, tơƀâp khul chih hla ar tơroi vă roi tơbăt dôm tơdrong iŏk đei lơ̆m jơ pơma đam.

Ƀlep ƀât ‘măng mă âu, tơ̆ hơnăp tơdrong dơ̆ng lăng đơ̆ng Thủ tướng Lê Minh Hưng păng Thủ tướng Nhật Bản Takaichi Sanae, dôm anih tơm, anih jang kơpal, dôm tơring đơ̆ng 2 teh đak pơjao 6 hla ar pơkăp jang hơdoi. Tơ̆ dôm ‘măng tơƀâp, pơma đam, kơdră chĕp kơ̆l Việt Nam hôn bơnê ‘măng năm ngôi đơ̆ng Thủ tướng Takaichi Sanae kŭm hăm Khul tang măt ăn teh đak Nhật Bản đei lơm jơnăr tôch gĭt kăl ƀât mă 2 teh đak ‘nao đei kơdră chĕp kơ̆l ‘nao, oei adrin bơ̆ jang kiơ̆ dôm tơdrong vă jang tŏk mŭk drăm, tơpôl tơ̆ rim teh đak.