VOV4.Bahnar - Pơgê năr 20/8, tơ̆ Hơnĭh ming man tơbăt ăn Kơdră chĕp pơgơ̆r tĕh đak Tôn Đức Thắng, tơring Mỹ Hòa Hưng, pơlei tơm Long Xuyên, dêh char An Giang, Dơnŏ anĭh Đảng, Jơnŭm vei lăng kon pơlei, Dơnŏ anĭh vei lăng kon pơlei, Dơnŏ anĭh MTTQ Việt Nam dêh char An Giang hlôi pơgơ̆r năm glơng ba pơkao, sŏh hlôt nhang ƀlep lơ̆m năr tơbăt 133 sơnăm Năr rơnĕh Kơdră so chĕp pơgơ̆r Tĕh đak Tôn Đức Thắng (20/8).

Pơm lê̆h tơbăt 133 sơnăm Năr rơnĕh Kơdră so chĕp pơgơ̆r Tĕh đak Tôn Đức Thắng sơnăm au đei pơgơ̆r lơ̆m khei ‘năr pơđĭ lơ̆m tĕh đak pơma atŭm, dêh char An Giang pơma hơdrô̆ tŏk bŏk kơrŭn jơhngơ̆m tang gan jĭ Covid-19, kơna rim tơdrong pơgơ̆r pơm lêh păh ai; kơdră tang măt vang năm pơm lê̆h pơm kiơ̆ kơ jăp rim tơdrong tơchơ̆t găh tang găn jĭ hơbŭh. Hưch hanh hơmanh bơnê găh tơdrong bơ̆ jang păng jơhngơ̆m đon kĕch mang gơ̆h găt đơ̆ng Kơdră so chĕp pơgơ̆r tĕh đak Tôn Đức Thắng, Dơnŏ anĭh Đảng păng kon pơlei An Giang pơkăp ling lang tơgoăt tơgoăl mĭnh jơhngơ̆m đon, kơrŭn jơhngơ̆m hŏk pơhrăm, bơ̆ jang, atŏk kơtang jơhngơ̆m đon iung jang kơ dĭh, kiơ̆ yok yok jơ̆ng jơhngơ̆m đon hơbĕch hơbal, tơchăr hơgei, pơgĕnh dôm tơdrong rơvơn, tơdrong đei vă tơ iung pơjing dêh char An Giang ling lang atŏk tơ iung, tơgăl kơ pơlei pơla Kơdră so chĕp pơgơ̆r tĕh đak Tôn Đức Thắng.

Tơblơ̆ nơ̆r: Amazưt