VOV4.Bahnar - An^h che\p kơ\l pơ gơ\r Kuo#k ho#i pơ gơ\r hôp hơ tuch lôch lơ\m ‘năr brei, tơ gop nơ\r ăn lơ tơ drong kăl. Mă loi j^, An^h che\p kơ\l pơ gơ\r Kuo#k ho#i tơ gop nơ\r ăn Hla ar chih hơ len năng tơ drong jang man cham gre păr apu\ng plenh te\h Long Thành jăl 1 păng tơ drong hơ met ăn hop ako\m mă 8 kơ Kuo#k ho#i jăl 14.

Kiơ\ hla ar chih tơ roi đơ\ng Khul kơ dră te\h đak găh Hơ len năng tơ drong tơ mât jên jang man cham gre păr apu\ng plenh te\h Long Thành jăl 1, lơ\m jăl âu vă tơ mât jên ăn 4 tơ drong jang. Mă lei, kiơ\ tơ drong hơ găt đơ\ng Luơ\t rơih bơ ngai jang, dôm tơ drong jang âu athei chă rơih bơ ngai tơ mât jên jang ming man. Yoa thoi no\h, Khul kơ dră te\h đak roi tơ băt păng athei Kuo#k ho#i set hơ len drơ\ng nơ\r pơ jao ăn ACV tơ mât jên, io\k yoa cham gre păr apu\ng plenh te\h Long Thành jăl 1.

Dơ\ng: Tơ blơ\