VOV4.Bahnar - Vă pơ jing tơ drong ‘lơ\ng ăn bơ ngai thuê hnam đe đei xa yoa kơ jă điên kiơ\ tơ drong tơ chơ\t kơ so# 23 đơ\ng An^h tơm vei lăng jang kơ măy, te\ch mơ dro, Công ty jang unh điên Dak Lak oei adrin tơ le\ch trong roi tơ băt, hơ len năng tơ drong te\ch unh điên hăm sinh viên, bơ ngai jang chă thuê hnam đe vă oei xa tơ\ dêh char.

Kiơ\ kơ ‘no\h Công ty jang unh điên Dak Lak hlôi pơm đang hla ar păng gơih pơ jao đei 1.152 hla ar pơ kăp răt điên te\ch ăn bơ ngai thuê hnam đe hăm m^nh kơ loăi kơ jă đơ\ng 101 truh 200 kWh ăn rim kơ so# chih jo# tơ\ ko\ng jơ.

Vă bơ ngai yoa unh điên pơ ma atu\m păng ho\k tro, sinh viên păng bơ ngai jang chă thuê hnam đe pơ ma dro# băt găh tơ drong đei yoa, hơ năp jang đơ\ng kơ dih kiơ\ Tơ drong tơ chơ\t kơ so# 23 đơ\ng An^h tơm vei lăng jang kơ măy, te\ch mơ dro, Công ty jang hơ doi hăm An^h vei lăng jang kơ măy, te\ch mơ dro dêh char Dak Lak pơ gơ\r lơ ‘măng dăr hơ len, pơ tho tơ [ôh vă tơ ‘ngla hnam asong đe thuê pơm kiơ\ mă ‘lơ\ng.

Hơ dai hăm ‘no\h, Công ty oei pơ gơ\r dăr hơ len, chih io\k nơ\r tơ roi găh tơ drong thu jên điên đơ\ng gru\p bơ ngai âu vă tơ mât lơ\m trong hơ len năng tơ drong yoa unh điên, roi tơ [ôh athei ‘mơ ‘met unh điên păng jang dôm tơ drong nai mă lăp.

Dơ\ng: Tơ blơ\