VOV4.Bahnar - Tơ\ hơ năp tơ drong đơ\ng ‘mi kial hơ bu\t kơ so# 10 (đei hơ năn apu\ng ple\nh te\h ‘no\h GINO) to\k bo\k tak hre\nh păng đei [o#h krê hơ mơt tơ\ đak dơ s^ Biển Đông, tơ dra hơ drol gô tơ hlu mơ\t tơ\ kông lơ\m ‘năr 5/11 tru\h păng đei [ơm kơ ne# tru\h de#h char Gia Lai, An^h vei lăng kon pơ lei de#h char hlôi pơ gơ\r ‘măng hôp hăm An^h jang, An^h vei lăng kon pơ lei rim tơ ring vă tơ le\ch jang tơ drong jang tơ jră hăm kial hơ bu\t.

Pơ ma tơ\ jơ hôp, An^h vei lăng kon pơ lei de#h char athei rim tơ ring jăh tơ le\ch hloi tơ drong jang tơ jră hăm ‘mi kial hơ bu\t kơ so# 10, lơ\m no\h, athei rim an^h jang kơ pal tơ tom băt hơ dăh kơ tơ\ng ang găh tơ pl^h đơ\ng ‘mi kial hơ bu\t kơ so# 10 vă tơ tom tơ roi tơ băt tru\h hăm kon pơ lei, rim an^h jang, tơ ring pơ vei kơ tang tơ drong jang prăt năr prăt măng, kơ chăng tơ le\ch jang rim trong jang tang găn kiơ\ tơ drong tơm “ 4 kơ tă an^h”, yông dôm u\nh hnam kon pơ lei tơ\ tơ ring đei hơ mơt kơ te\h hơ l^h tru\h tơ\ an^h sơ đơ\ng, vei sơ đơ\ng găh hơ kâu jăn, mu\k drăm kơ te\h đak păng kon pơ lei.

  Thuem: Tơ blơ\