VOV4.Bahnar - De#h char Lâm Đồng hlôi pơ gơ\r hop ako\m hơ len lăng tơ drong, trong tơ le\ch jang mu\k drăm tơ pôl khei 8 păng tơ le\ch jang hơ năp jang tơm khei 9/2019.  Lơ\m khei 8, tơ drong mu\k drăm, tơ pôl kơ de#h char hơ nơ\ng sơ đơ\ng păng hơ to\k tơ iung, cho\h jang sa vei sơ đơ\ng kiơ\ pơ yan jang, tơ drong jang tang găn pơ rang j^ tơ\ ‘long pơ tăm, tơ drong jang vei lăng bri, tang găn u\nh sa bri đei rim an^h jang kơ pal bơ ngơ\t tru\h pơ gơ\r jang kiơ\ ‘lơ\ng, tơ drong jang kơ măy kơ mo\k, măt tơ moi tơ mang lăng hơ nơ\ng kơ to\k lơ.

Mă lei oei đei 1,2 mơ mat tat, ư\h kơ ‘lơ\ng nhen: J^ klak nhu\ng châu Phi hơ nơ\ng đei [o#h, tơ drong pơm glăi Luơ\t vei lăng păng hơ to\kt ơ iung bri đei [o#h roi ‘năr roi krê hơ mơt… Lơ\m khei 9 tru\h, kơ dră an^h vei lăng kon pơ lei de#h char Lâm Đồng athei: Rim an^h jang, rim tơ ring ako\m jang kiơ\ ‘lơ\ng tơ drong jang, tang găn pơ rang j^ lơ\m kon tơ rong, tu\n pran tơ drong jang vei lăng bri, mă loi ‘no\h j^ sek phak kơ hret tơ drong phă bri vă io\k te\h cho\h jang sa.

Thuem: Tơ blơ\