VOV4.Bahnar - Pơ gê ‘năr  13/4, Anih chĕp kơ̆l pơ gơ̆r Đảng bộ pơ lei tơm Hồ Chí Minh jăl 11, jăl jang 2020 – 2025 pơ gơ̆r hop akŏm ‘măng mă 5 hăm tơ drong pơ gơ̆r đơ̆ng bơ ngai jang lơ̆m Anih tơm Chinh trĭ, Bí thư Đảng pơ lei tơm Hồ Chí Minh Nguyễn Văn Nên. Pơ ma pơ gơ̆r hop akŏm, Bí thư Đảng pơ lei tơm Nguyễn Văn Nên akhan, lơ̆m jăl khei mă 1, pơ lei tơm Hồ Chí Minh hlôi akŏm chĕp kơ̆l pơ gơ̆r, pơm tơ iung tơ drong hơ iă blŭng sơ năm đei iŏk yua, rim anih jang bơ̆ jang kiơ̆ đei yua rim tơ drong jang, mă hơ dăh ‘noh jĭ bơ̆ jang kiơ̆ jơ nei tơ drong jang hơ dai – “ hơ tŏk tơ iung mŭk drăm hai, tang găn jĭ hai”. Bí thư Đảng pơ lei tơm Nguyễn Văn Nên kŭm akhan, lơ̆m jăl khei mă 2, pơ lei tơm Hồ Chí Minh tơ drong tơm kơ sô̆ 1 oei jing tang găn jĭ Covid-19, jang ‘lơ̆ng tơ drong jang hơ met ăn pôk rơ̆ih Kuôk hô̆i păng Jơ nŭm pơ gơ̆r kon pơ lei rim tơ ring, hơ dai hăm ‘noh kăl kơ tơ lĕch jang hrĕnh chĕng hơ met teh pơ lei tơm Hồ Chí Minh, chĕng hơ met teh pơ lei tơm Thủ Đức, hơ met ăn tôm tơ ƀơ̆p pơ ma dơ nuh hăm grŭp jang teh đak đe tơ̆ rim tơ drong jang jên hu, anih mong jên, pơ tho pơ hrăm...

 Thuem: Tơ blơ̆