VOV4.Bahnar - Hơ nơ̆ng bơ̆ jang lơ̆m hop akŏm mă 3, pơ gê 14/9, tơ gop nơ̆r ăn hla ar chih tơ roi tơ drong jang sơ năm 2021 păng trong vă jang sơ năm 2022 đơ̆ng Anih jô̆ hơ len jên tĕh đak, Anih chĕp kơ̆l pơ gơ̆r Kuô̆k hô̆i athei Anih jô̆ hơlen jên tĕh đak akŏm chih mă tôm jên krao hơ vơn, tơ lĕch păng iŏk yoa ăn tơ drong tang găn jĭ Covid-19. 

Tơ̆ hop akŏm, Kơ dră Kuô̆k hô̆i Vương Đình Huệ athei roi tơ băt mă rơ đăh tơ drong jŏh hơ len vă vei kơ jăp ki luơ̆t, tơ păt ‘lơ̆ng găh jên hu. Găh trong vă jang sơ năm 2022, Kơ dră Kuô̆k hô̆i athei hơ nơ̆ng jang kiơ̆ tơ drong tơm vei kơ jăp mŭk drăm lơ̆m tĕh đak, jang kiơ̆ ‘lơ̆ng ki luơ̆t găh jên hu, vei lăng sơ đơ̆ng jên hre kơ tĕh đak, sek tơ lang jên hre kơ nê̆ tơ̆ dôm anih asong tŏk iŏk jên; akŏm pơm hơ dăh kơ sô̆ jên, hơ met ming pơ ‘lơ̆ng anih asong tŏk iŏk jên, kăl loi ‘nŏh mong jên vă hơ met ming jên khei.

Dơ̆ng: Tơ blơ̆