VOV4.Bahnar - Lơ̆m kơ sơ̆ ‘năr 13/7, ăn tơ gop nơ̆r găh trong jang tơ mơ̆t jên jang Tơ drong jang tơm teh đak Pơ jing tơ ring tơ rang ‘nao jăl jang 2021-2025, Anih chĕp kơ̆l pơ gơ̆r Kuôk hô̆i drơ̆ng nơ̆r hơ met ăn 30 rơ bâu ti hlak jên tơ mơ̆t jên jang teh đak păh lăp khei ‘năr ăn tơ lĕch jang tơ drong jang. Tơ drong ‘nao kăl kơ lăng truh đơ̆ng Tơ drong jang jăl jang 2021-2025, ‘noh jĭ: Pơ jing tơ drong hơ găt teh đak găh tơ ring tơ rang ‘nao rim tơ ring ( dêh char, apŭng, xăh) kiơ̆ rim kơ sô̆ (jang đei ‘lơ̆ng, hơ tŏk lơ̆ng păng ‘lơ̆ng rŏ). Tơ drong jang hơ drin đei tŏ sĕt hloh 80% akŏp đĭ đăng kơ sô̆ xăh kơ lơ̆m teh đak jang đang ‘lơ̆ng tơ ring tơ rang ‘nao, lơ̆m noh, đei dang 40% kơ sô̆ xăh jang đang ‘lơ̆ng tơ ring tơ rang ‘nao hơ tŏk ‘lơ̆ng, 10% kơ sô̆ xăh jang đang ‘lơ̆ng tơ ring tơ rang ‘nao ‘lơ̆ng rŏ; hơ drin truh sơ năm 2025 lơ̆m teh đak ư̆h pă đei xăh hơ la kơ 15 tơ drong hơ găt; pơ trŭt rim tơ ring đei tơ drong hiôk kơ chăng pơ jing tơ ring tơ rang ‘nao ‘lơ̆ng rŏ. Kơ dră Kuôk hô̆i Vương Đình Huệ athei hơ met lê̆ kon jên, akŏm tơ gŭm hơ drol ăn tơ drong jang tơm teh đak Pơ jing tơ ring tơ rang ‘nao jăl jang 2021-2025, jô̆ hloi jên tơ mơ̆t jang, jên tơ drong jang; jên teh đak, trung ương păng tơ ring, akŏm lơ hloh ăn tơ drong jang.

Thuem: Tơ blơ̆