VOV4.Bahnar - Tơ̆ ‘măng hop akŏm mă 57 đơ̆ng Anih chĕp kơ̆l pơ gơ̆r Kuôk hô̆i, ăn tơ gop nơ̆r găh hla ar tơ roi tơ băt hơ len lăng pơ tôch iŏk đei jang kiơ̆ trong tơ lĕch jang hơ tŏk tơ iung mŭk drăm – tơ pôl păng jên jang teh đak 6 khei sơ năm 2021 pơ gơ̆r ‘năr brei (15/6), rim bơ ngai jang lơ̆m Anih jang athei: Tơ roi tơ băt đơ̆ng Khŭl kơ dră teh đak kăl kơ hơ len lăng hơ dăh dơ̆ng găh tơ lĕch jên tơ gŭm 62 rơ bâu ti ăn kơ dôm bơ ngai pŭ ƀơm kơ nê̆ yua đơ̆ng jĭ Covid-19 kŭm nhen dôm jên tơ gŭm nai, đơ̆ng noh pơm tơ drong ăn tơ drong tơ lĕch rim trong jang tơ gŭm nai tơ̆ hơ năp kơnh. Pơ ma pơ tôch ‘măng hop akŏm mă 57 đơ̆ng Anih chĕp kơ̆l pơ gơ̆r Kuôk hô̆i, kơ dră Kuôk hô̆i Vương Đình Huệ athei: đơ̆ng rŏng ‘măng hop a kŏm, rim anih jang, khŭl jang đei ƀơm truh tơ tĕnh tơ chĕng hơ len, chih iŏk tơ păt nơ̆r tơ gop đơ̆ng rim tơ drong tơ̆ rim ‘măng hop a kŏm vă chih pơ kĕh hla ar păng tơ chĕng hơ drol tơ drong jang ‘Măng hop akŏm mă mônh Kuôk hô̆i jăl 15. Anih chĕp kơ̆l pơ gơ̆r Kuôk hô̆i kŭm tơ chơ̆t jang đang pơ đĭ tơ drong jang rơ̆ih bơ ngai jang ‘mơ̆i mă pơ gơ̆r rim tơ drong nai tơ̆ ‘Măng hop akŏm mă mônh Kuôk hô̆i jăl 15.

Thuem: Tơ blơ̆