VOV4.Bahnar - Hơ nơ̆ng bơ̆ jang lơ̆m hop akŏm mă 03 đơ̆ng Anih chĕp kơ̆l pơ gơ̆r Kuô̆k hô̆i, ‘năr 20-9, hăm tơ drong pơ gơ̆r đơ̆ng Kơ dră Kuô̆k hô̆i Vương Đình Huệ, Anih chĕp kơ̆l pơ gơ̆r Kuô̆k hô̆i tơ gop nơ̆r ăn dôm hla ar chih găh tơ drong bơ̆ jang lơ̆m sơ năm 2021 đơ̆ng grŭp jang Tư phap.

Pơ ma nuh tơ̆ hop akŏm, Anih chĕp kơ̆l pơ gơ̆r Kuô̆k hô̆i akhan, dôm hla ar chih tơ roi đơ̆ng Khul kơ dră tĕh đak, Anih tơm sek tơ lang kon pơ lei, Anih tơm dăr hơ len kon pơ lei đei chih tôch rơ đăh ‘lơ̆ng păng đei lơ tơ drong tơ plih ‘nao. Mă lei, athei dôm anih jang pơm hơ dăh dơ̆ng dôm trong vă jang vă tưk tơ iung dôm tơ drong ‘lơ̆ng lơ̆m tơ drong tang găn tơ drong yoch, pơm glăi luơ̆t păng tang găn xa pơ jĭp;

Atŭm hăm ‘nŏh hơ met pơ ‘lơ̆ng dôm tơ drong tam mă lăp, pơm hơ dăh dơ̆ng dôm tơ drong pơm glăi luơ̆t ‘nao đei vă đei trong sek tơ lang; athei hơ met hơ met pơ kĕh trong pơ gơ̆r, tơ plih ‘nao tơ drong chĕp kơ̆l, hơ tŏk tơ drong jang hơ doi, lơ̆m nŏh tơ rĕk truh tơ drong hơ met ming, chih tơ mât dơ̆ng, hơ met pơ ‘lơ̆ng trong jang, tơ drong tơ gŭm, đei nơ̆r pơ ma apinh mă rơ đăh hăm Kuô̆k hô̆i, Anih chĕp kơ̆l pơ gơ̆r Kuô̆k hô̆i.

Dơ̆ng: Tơ blơ̆