VOV4.Bahnar - Hơ nơ̆ng tơ drong jang ‘măng hop akŏm 6, kơ sơ̆ ‘năr (9/12), Anih chĕp kơ̆l pơ gơ̆r Kuôk hô̆i ăn tơ gop nơ̆r găh Tơ drong jang pơ jing trong jang tơ gŭm jên hu vă tơ gŭm tơ lĕch jang tơ drong jang tơ iung ming dơ̆ng păng hơ tŏk tơ iung mŭk drăm - tơ pôl. Tơ drong jang ‘nâu ‘noh jĭ tơ drong jang tôch kơ gĭt kăl hrei ‘nâu. 1,2 tơ drong tơm hơ drol ki hlôi đei Kuôk hô̆i pơ jao ăn Anih chĕp kơ̆l pơ gơ̆r Kuôk hô̆i set hơ len. ‘Măng âu Tơ drong jang tơ iung ming dơ̆ng păng hơ tŏk tơ iung mŭk drăm - tơ pôl oei tơ̆ ‘ngoăih tơ drong đơ̆ng trong tơ lĕch jang 5 sơ năm 2021 - 2025 hlôi đei Kuôk hô̆i pơ drơ̆ng kiơ̆ nhen: trong tơ lĕch jang hơ tŏk tơ iung mŭk drăm - tơ pôl, trong tơ lĕch jang jên hu, trong tơ lĕch jang tơ mơ̆t jên jang teh đak păh lăp khei ‘năr, trong tơ lĕch jang tŏk iŏk păng kla hre teh đak păh lăp khei ‘năr. Lơ̆m khei ‘năr jĭ hơ buh oei krê hơ mơt, tơ drong đei jên tơ gŭm pơ tăl dơ̆ng vă tơ iung ming dơ̆ng mŭk drăm ‘noh kăl hloh. Jên tơ gŭm âu gô akŏm lơ̆m 2 sơ năm. Lơ̆m noh sơ năm 2022 akŏm lơ̆m tơ drong tơ iung ming dơ̆ng, oei sơ năm 2023 gô akŏm lơ̆m tơ drong pơ trŭt jang tŏk. Jên vă jang kiơ̆ jên tơ gŭm jên hu, rŏ lăng kiơ̆ lơ̆m tŏk iŏk păng kĕ kla hre, mă lei athei vei sơ đơ̆ng tơ drong ‘lơ̆ng păng tơ drong đei yua đơ̆ng mŭk drăm.

Thuem: Tơ blơ̆