VOV4.Bahnar – ‘Năr brei (6/8), hăm tơ drong pơ gơ̆r đơ̆ng Kơ dră Kuô̆k hô̆i Vương Đình Huệ, Anih chĕp kơ̆l pơ gơ̆r Kuô̆k hô̆i hôp gĭt kăl vang tơ gop nơ̆r găh tơ drong tơ chơ̆t đơ̆ng Khul kơ dră tĕh đak bơ̆ jang dôm tơ drong kăl vă tang găn jĭ Covid-19 kiơ̆ tơ drong tơ chơ̆t kơ sô̆ 30 đơ̆ng Kuô̆k hô̆i đei tơ lĕch lơ̆m Hop akŏm mă 1, Kuô̆k hô̆i jăl XV.

Kuô̆k hô̆i pơ gơ̆r hop akŏm hăt hot gơ măng ‘năr 6/8

Mă hơ dăh, asong ăn đe kăn ƀô̆ jang pơ gang, khul linh, Công an, Dơ nŏ anih vei lăng kon pơ lei dôm dêh char tơ chơ̆t pơ jing anih oei akŏm, hơ met ăn bơ ngai jĭ Covid-19, đei hla ar asong bơ̆ jang păng chih hơ dăh khei ‘năr bơ̆ jang truh đĭ sơ năm 2022 păng lăp tơ mât yoa hăm tơ drong gĭt kăl vă tang găn jĭ Covid-19 kiơ̆ trong jang tơ jră hăm jĭ păng tơ drong đei tơ̆ yăn âu tơ̆ rim tơ ring đĕch.

Pơ ma lơ̆m hop akŏm, Kơ dră Kuô̆k hô̆i Vương Đình Huệ akhan, tơ drong tơ lĕch tơ drong tơ chơ̆t âu tôch gĭt kăl ƀât mă jĭ oei tơ pŏh tôch hơ mơt, ưh tom băt, păng tơ pŏh truh tơ̆ lơ dêh char, plt găh Trung ương hrei ‘nâu, mă loi ‘nŏh tơ̆ dôm dêh char găh Pơ băh.

Dơ̆ng: Tơ blơ̆