VOV4.Bahnar - Kxơ\ ‘năr brei, 11/1, Anih jang unh hơyuh Việt Nam jang atu\m hăm Anih tơm pơnơ\ đak, lơ\m Anih tơm choh jang xa păng Ato\k tơring pơxe\l, tơroi hăm anih chih hla bar tơroi vă vei xđơ\ng tơdrong pơro đak, axong unh hơyuh ăn pơyan choh jang xa tơ\ tơring to\k bo\k păng tơring tơmăn găh tu. Kiơ\ pơkăp jang, Anih tơm choh jang xa păng Ato\k tơring pơxe\l păng Anih jang unh hơyuh Việt Nam drơ\ng nơ\r pơkăp năr io\k đak vă pơchoh ăn jang pơyan puih phang xơnăm 2016 đei 3 ‘măng, đơ\ng năr 21/01/2016 truh năr 23/02/2016. Lơ\m khei năr io\k đak, đak tơ\ krong Hồng ăh pơnơ\ đak tơ\ Hà Nội pơtoi vei xđơ\ng 2 mét 2 to\k tơ\ kpal. Đak pơro lơ\m 3 ‘măng (21 năr) ăh 5,16 tih mét kho#i. Lơ\m kplăh dang ei, đak tơ\ dôm dơnâu mong kơ hnam kmăi unh hơyuh pơhlom  80% kxo# pơkăp yua. Yuơ noh, atu\m hăm tơdrong pơro đak đơ\ng dôm dơnâu mong kơ hnam kmăi unh hơyuh, Anih jang unh hơyuh duh ako\m dôm trong jang vă axong unh hơyuh xđơ\ng, hơnơ\ng vă vei xđơ\ng đak lơ\m 3 ‘măng âu. Ưh kơ đei io\k đak ăh ‘măng nai ôh.

Lan chih păng rapor