VOV4.Bahnar - Kxơ\ năr 20/5, Khul kpal kơ anih jang hơvơn Trung ương yuơ [ok Thào Xuân Sùng, Pho\ kdră Anih jang hơvơn kon pơlei tơ\ Trung ương che\p kơ\l hlôi bơ\ jang hăm dêh char Dak Nông vă hơlen băt tơdrong jang hơvơn kon pơlei kon kông păng dôm tơdrong khop. Pơma ăh jơ bơ\ jang, [ok Thào Xuân Sùng bơnê kơ dôm tơdrong đei jơnei duh nhen tơdrong tơre\k đơ\ng dôm jăl jang, anih jang hăm tơdrong jang kon kông, dôm tơdrong khop lơ\m tơring kơ dêh char lơ\m khei năr âu ki. Dôm nơ\r tơgop, pơtruh, pơkăl đơ\ng dêh char Dak Nông, khul kpal gô xkơ\t păng tơrroi truh Trung ương hơlen lăng. {ok pơkăl, khei năr truh, dôm jăl jang, anih jang lơ\m dêh char Dak Nông kăl jang tơnăp hloh dôm trong pơkăp jang đơ\ng Đảng, trong jang kơluơ\t đơ\ng teh đak găh tơdrong jang kon kông, dôm tơdrong khop, mă hăt noh hơto\k tơdrong jang hơvơn kon pơlei lơ\m tơring bngai kon kông. Dôm trong jang đơ\ng teh đak găh tơgu\m bngai kon kông duh kăl đei tơle\ch mă [lep hăm tơdrong erih jang xa tơ\ tơring vă che\p vei tơdrong jang đei jơnei.  

Lan chih tơblang păng rapor