VOV4.Bahnar - Ƀlep ƀơ̆t năr kră yang iung arih sơ năm 2021, ƀok Võ Ngọc Hiệp- Bơ ngai jang lơ̆m khŭl chĕp kơ̆l pơ gơ̆r anih jang đảng dêh char – Kơ dră Mặt trận tổ quốc dêh char Lâm Đồng kŭm hăm dôm bơ ngai jang Anih jang Mặt trận tổ quốc Việt Nam dêh char hlôi tơ mang tơ̆ rim khŭl jang, bơ ngai pơ tho lui kŏng yăo, lui tin lành pơ lei tơm Đà Lạt. Khŭl hlôi năm tơ mang tơ̆ Hnam hơ kŭm Kŏng yăo - giáo phận Đà Lạt, Hnam hơ kŭm tơm Đà Lạt, Anih pơ hrăm khŭl yă giĕng xăng ta Vinh Sơn, păng Anih tang măt Khŭl lui tin lành Việt Nam (tơ ring pơ băh). Tơ̆ rim anih năm truh, kơ dră Anih jang Mặt trận tổ quốc Việt Nam dêh char Võ Ngọc Hiệp hlôi gơ̆ih nơ̆r hmach truh rim ƀok soi, bơ ngai pơ tho lui, kon pơ lei lui kŏng yăo, lui tin lành ƀlep ƀơ̆t lêh kră yang iung arih sơ năm 2021. Hơ dai hăm ‘noh ‘mĕh vă rim ƀok soi, bơ ngai pơ tho lui păng kon pơ lei lui kŏng yăo hơ nơ̆ng hơ drin vang jang rim tơ drong jang pơ jei băl ‘mêm kơ teh đak, hơ dai hăm kon pơ lei pơ jing tơ ring roi ‘năr roi hơ tok tơ iung.

Thuem: Tơ blơ̆