VOV4.Bahnar  – Pơgê năr 1/10, tơ̆ 'măng hop akŏm trư̆k tuyê̆n, hơlen Tơroi đơ̆ng Khul kơpal teh đak găh vei lăng păng iŏk yua Jên bảo hiểm y tê̆ xơnăm 2020; găh tơdrong pơm kiơ̆ Tơchơ̆t 68 đơ̆ng Kuôk hô̆i jăl 13 vă hơtŏk pran tơdrong pơm kiơ̆ luơ̆t bảo hiêm y tê̆, hơyak truh bảo hiêm y tê̆ tôm kon pơlei, Anih jang Tơpôl kơ Kuôk hô̆i pơkăl Bảo hiêm xăh hô̆i Việt Nam pơm hơdăh tơdrong oei hloh 10 rơbâu 150 tih anih jang bảo hiêm xăh hô̆i oei hra, tam mă đei kla lơ̆m xơnăm 2020. Anih jang Tơpôl pơkăl Khul kơpal teh đak dăh hrôih pơtruh ăn Kuôk hô̆i tơdrong chih akŏm Luơ̆t bảo hiêm y tê̆ (hơmet ming) vă đei jang kiơ̆ pơkăp găh hơtŏk jơhngơ̆m jăn ăn kon pơlei, atŭm hăm noh, tơrĕk hơmet dôm tơdrong kăl găh Bảo hiêm Y tê̆ đei tơrĕk atŭm pơkăl Anih tơm Y tê̆ hơlen hla bar pơkăp luơ̆t găh bảo hiêm y tê̆, khăm hơmet jĭ vă hơmet kiơ̆ xơnong jang po mă trŏ ƀlep vă vei xơđơ̆ng tơdrong pơyua ăn bơngai răt bảo hiêm y tê̆, anih khăm hơmet jĭ păng axong jên mong bảo hiêm y tê̆.

Lan chih păng pơre nơ̆r