VOV4.Bahnar - Jang kiơ̆ nơ̆r krao hơ vơn đơ̆ng Tổng Bí thư Nguyễn Phú Trọng păng tơ drong pơ gơ̆r đơ̆ng kơ dră chĕp kơ̆l Đảng, teh đak, Anih jang Trung ương Mặt trận Tổ quốc Việt Nam ‘nao tơ tom tơ gŭm 1,7 triệu ‘măng sŏng sa hơ tŏ hăm kơ sô̆ jên 51 ti hlak jên đơ̆ng jên sơng iŏk tơ gŭm tang găn jĭ Covid-19 vă tơ gop kŭm hăm rim dêh char, pơ lei tơm găh pơ băh tŏk bŏk jang kiơ̆ ư̆h kơ ăn yak vih vơ̆t lơ̆m tơ pôl kiơ̆ tơ chơ̆t 16 đơ̆ng Thủ tướng teh đak. Kơ sô̆ jên âu gô tơ gŭm 1 ‘măng sŏng sa hơ tŏ 30 rơ bâu hlak jên ăn 17 dêh char, pơ lei tơm đei hơ năn tơ̆ hơ la âu: Đồng Nai, Cần Thơ, Bình Phước, Tây Ninh, Bà Rịa - Vũng Tàu, Tiền Giang, Long An, Vĩnh Long, Đồng Tháp, Bến Tre, Hậu Giang, An Giang, Bạc Liêu, Sóc Trăng, Trà Vinh, Cà Mau, Kiên Giang. Dôm ‘măng sŏng sa âu gô đei rim dêh char, pơ lei tơm tơ gŭm ăn dôm bơ ngai ư̆h kơ pŭn ai, tơ ƀơ̆p mơ mat tat yua đơ̆ng ăn oei hơ drô̆, ư̆h kơ ăn yak vih vơ̆t lơ̆m tơ pôl mă ư̆h kơ găh sa hơ păh jên tơ gŭm hlôi đei.

Thuem: Tơ blơ̆