VOV4.Bahnar - Jang kiơ̆ nơ̆r krao hơ vơn đơ̆ng Thủ tướng teh đak găh tơ drong ăn vắc xin tang găn Covid-19 truh rim ‘nu kon pơ lei, Kŏng ti jang ŭnh điên Dak Nông hlôi tơ gŭm kơ hrĕng triêụ hlak jên lơ̆m jên mong vắc xin tang găn jĭ Covid-19 vă vang tơ gop jơ hngơ̆m hơ dai hăm lơ̆m teh đak tang găn jĭ hơ buh păng vih hơ lơ̆k dơ̆ng hăm tơ drong arih sa hmă. Hăm nơ̆r pơ ma “Vang tơ gŭm tang găn jĭ Covid-19”, kang ƀô̆, bơ ngai jang kơ Kŏng ti jang ŭnh điên Dak Nông hlôi tơ gŭm hloh 200 triệu hlak jên lơ̆m jên mong vắc xin tang găn jĭ covid-19 kơ dêh char.

Kơ dră chĕp kơ̆l Kŏng ti jang găh ŭnh điên Dak Nông tơ gŭm jên mong vắc xin tang găn jĭ Covid-19

Kŭm hăm ‘noh, Kŏng ti hlôi năm ngôi, pơ lung asong ăn Anih jang pơ gang pơ lei tơm Gia Nghĩa mĭnh pôm kơ măy pơ tŏ yuh hơ kâu, tơ mam pơ lôch pơ rang păng kơ hrĕng che gom pơ gang. Anih jang hlôi asong ăn Hnam pơ gang phường Nghĩa Tân, pơ lei tơm Gia Nghĩa 3 tŏ kơ măy pơ tŏ yuh hơ kâu chĕp ti păng che gom pơ gang vă kang ƀô̆, bơ ngai jang yua lơ̆m kơ plăh bơ̆ jang tơ drong jang.

Thuem: Tơ blơ̆