VOV4.Bahnar -  Hăm tơdrong hơbuh hli hlơt đơ̆ng pơrang jĭ Covid-19, đơ̆ng xơnăm 2020, Anih jang Unh hơyuh Đăk Lăk hlôi pơjing pơkăp QR Code vă jang trư̆k tuyê̆n internet truh dôm kênh Tơroh hăm bơngai yua unh, kơ Anih Pơkăp kăl kơ dêh char Đăk Lăk, tơgŭm ăn bơngai yua unh oei tơ̆ hnam duh gơh pơm kiơ̆ dôm tơdrong kăl găh unh hơyuh.

Kiơ̆ đơ̆ng noh, đơ̆ng blŭng xơnăm 2021 truh dang ei, Anih jang hlôi xơng păng xek tơlang hloh 56.000 tơdrong kăl kiơ̆ pơkăp trư̆k tuyê̆n đei: Axong unh hơyuh ‘nao; tơplih tơdrong yua unh hơyuh; tơplih kŏng tơ unh, tơplỉhtong pơkă unh; chih măt păng kla jên unh... Hăm dôm tơdrong đei ƀôh nai, anih jang pơtho ăn bơngai yua unh athei jang kiơ̆ trư̆k tuyê̆n ăh pơkăp 4. Kiơ̆ kơ noh, tơdrong kle jên kiơ̆ online đei pơkăp lơ̆m ZaloPay, Momo, Payoo, Vimo dăh mă pơkăp kơ anih mong jên hăm pơkăp QR - Code, Kla jên kiơ̆ pơkăp VNPay. Kơsô̆ jên hlôi đei pơm jang lơ̆m 8 khei kơ âu noh hloh 2,1 tihhlj.

Lan chih păng pơre nơ̆r