VOV4.Bahnar  – Pơtoi kơ tơdrong hop akŏm mă 4, năr 13/10, Anih juăt jang Kuôk hô̆i tơgop nơ̆r găh tơdrong hơmet ăn hop akŏm mă 2, Kuôk hô̆i jăl 15; Tơgop nơ̆r găh chih akŏm Luơ̆t hơmet ming Pơkăp – Hơnăn tơchơ̆t chih hơlen teh đak găh Luơ̆t Chih hơlen; Hơlen lăng, pơkăp tơdrong axong jên jang, jên tơgŭm đơ̆ng teh đak đe xơnăm 2021 ăn dêh char Quảng Nam. Tơrĕk hloh noh, Anih juăt jang Kuôk hô̆i tơgop nơ̆r găh pơkăp yua teh kơ teh đak đơ̆ng xơnăm 2021 - 2030, xơkơ̆t truh xơnăm 2050 păng pơkăp yua teh lơ̆m 5 xơnăm đơ̆ng 2021-2025. Kiơ̆ hơlen pơkăp, Kuôk hô̆i jing anih jang kơpal kĭ pơkăp yua teh đơ̆ng xơnăm 2021 - 2030, xơkơ̆t truh xơnăm 2050. Pơkăp yua teh kơ teh đak jing pơkăp dơnơm, tom tong, athei yuk hơlâu minh yak, pơm trong ăn tơdrong pơkăp tơring teh păng ăn tơring oei xa. Pơkăp yua teh kơ teh đak vă vei lăng, pơtoi teh pơtăm ƀa trŏ ƀlep vă vei xơđơ̆ng tơmam xa kơ teh đak; teh bri hmŏ, teh đei kơdih vă vei lăng cham char plenh teh, tơjră hăm hơyuh tô̆ 'mi tơplih.

Lan chih păng pơre nơ̆r