VOV4.Bahnar - Ia Dom jing xăh xơlam teh kơ apu\ng Đức Cơ, dêh char Gia Lai hăm tơring teh kông krang hang nak đei lơ đak glung đak krong. Lơ\m xăh rim xơnăm hơnơ\ng đei đak hơbông păng kon pơlei erih tơje# đak glung athei tơjră hăm lơ tơdrong hli hlơt. Vă tơjră hăm tơdrong mă âu, tơgu\m kon pơlei tơtom, kang [o# linh kơ Anih linh vei xơlam tơ\ ‘măng xơlam apu\ng plenh teh Lệ Thanh, jang tơ\ xăh, rim xơnăm adoi pơta#p pơhrăm tơdrong tơgu\m do\ng xar bar. Gơnơm đơ\ng noh, dôm xơnăm kơ âu, kang [o# linh kơ Anih linh vei xơlam hơnơ\ng tơgu\m do\ng xar bar hloh hlăng hăm kon pơlei [ơm đak hơbông tơ hiu dăh mă tơhlăk lơ\m anih đak la#p.

Ăh tong ane# khei 9 âu ki, ‘măng đak hơbông to\k blai tơ\ đak glung Đôi, jăl ro găn xăh xơlam teh Ia Dom, apu\ng Đức Cơ ăh tong ane# kơmăng kơmơ\t. 6 ‘nu kon pơlei [ơm hli hlơt, tơhlăk lơ\m anih đak la#p hlôi đei kang [o# linh tơ\ Anih linh ‘măng xơlam teh apu\ng plenh teh Lệ Thanh, {ô đo#i vei xơlam teh dêh char Gia Lai tơgu\m do\ng hloh hlăng.  

            Hloh tong ane# khei kơ âu, đơ\ng ro\ng kơ đei [ô đo#i vei xơlam teh do\ng tơgu\m klaih đơ\ng đak hơbông, yă Kpuih H’Lem, oei tơ\ pơlei Ó, xăh Ia Dom, apu\ng Đức Cơ duh oei hiơ\r kơ jơhngơ\m găh đak hơbông tơhiu. Yă ăn tơbăt, năr 16/9, yă atu\m hăm 5 ‘nu bơngai lơ\m kơtum năm jang mir păng oei hloi tơ\ pơk tơje# đak glung Đôi. Đơ\ng kơxơ\ truh ăh kơmăng ‘năr noh, lơ\m tơring đei ‘mi tih. Ăh pơgê hrôih ‘năr đơ\ng ro\ng, rim bơngai oei tep hlơ\k noh kơdrơ\t hơdral yuơ đak la#p truh tơ\ jơ\ng pơk bơih. Đak blai tenh păng ưh kơ ê, noh pơđ^ 6 ‘nu to\k hao ăh minh tơm ‘long bri mă lei đak roi đunh roi to\k blai. Lơ\m kơplăh hli hlơt, minh ‘nu lơ\m khul tơtom krao đie#n thoăi ăn khul linh vei xơlam teh truh tơgu\m do\ng adrol kơ tôm đie#n thoăi ưh kơ gơh yua yuơ hơ iuch. Lơ\m 20pơni^t đơ\ng ro\ng kơ krao đang, khul linh vei xơlam kơ anih hơlen ‘măng xơlam apu\ng plenh teh Lệ Thanh hlôi truh hăm tơdrong hiôk jơhngơ\m đơ\ng 6 ‘nu kon pơlei Ó. Hăm yă H’lem, âu jing ‘măng mă 3 đơ\ng ro\ng kơ 3 xơnăm pơtoi hloi, yă đei khul linh vei xơlam teh do\ng hloh hlăng yuơ đak hơbông la#p tơ\ đak glung Đôi. Yă H’Lem tơroi:“{ơ\t doh đak to\k tenh păng blai [enh, inh hiơ\r kơ jơhngơ\m, inh hơnơ\ng kơ nhâm đe\ch, nhâm yuơ hli, nhâm yuơ băt kơ kon hơ ioh tơ\ hnam, lôch le# kơnh bu rong kon hơ ioh. {ơ\t [ôh gre [ô do#i truh do\ng noh inh xo# hơ\k dêh, inh pă đei krê păng nhâm bơih”.

            Duh pu\n ai đei [ô đo#i do\ng klaih đơ\ng đak hơbông ăh khei adrol kơ noh, đei klo hơkăn [ok Ksor Gao, oei tơ\ pơlei Ó, xăh Ia Dom. {ok Gao duh jing bơngai hlôi krao đie#n thoăi tơroi ăn khul [ô đo#i vei xơlam teh Lệ Thanh gơnơm tơgu\m. {ok ăn tơbăt, khul [ô đo#i păng kon pơlei tơ\ tơring xơlam tơguăt kơjăp dêh. {ô đo#i vei xơlam teh duh lơ ‘măng chă tơgu\m kon pơlei lơ\m xăh ăh pơyan ‘mi kial. Yuơ noh, [ơ\t tơjra#m xar bar, [ok Gao kơche\ng păng krao đie#n thoăi hloi ăn [ô đo#i vei xơlam teh. {ok Gao ăn tơbăt: “{ôh đak roi to\k blai tenh, hăt hot dêh, mă nhôn noh ưh kơ băt chă glơi đak, ‘mi kial kơtang, kơplăh noh băt chă krao đie#n thoăi gơnơm [ô đo#i vei xơlam teh truh tơgu\m do\ng đe\ch. Ăh [ôh gre khul [ô đo#i vei xơlam teh truh noh nhôn xo# hơ\k tôch dêh, băt kơdih po đei do\ng bơih âu. Nhôn rơhơi kơ jơhngơ\m păng bơnê kơ [ô đo#i vei xơlam teh tôch lơ”

            Thượng tá Lê Thuần Chất, jang Ch^nh tr^ tơ\ Anih linh vei ‘măng xơlam apu\ng plenh teh Lệ Thanh ăn tơbăt, pơhlom 4 jơ pơgê năr 17/9, nhôn đei băt kon pơlei tơroi, đei bơngai tơhlăk tơ\ anih đak la#p. Nhôn hlôi axong 11 ‘nu linh, tôm tơmam drăm vă chă tơgu\m do\ng vă năm do\ng kon pơlei. Mă trong nơnăm tơnap dêh, ataih hloh 10km, cho\ng mă đei tơdrong hơmet tơnăp găh pơkăp tơdrong do\ng xar bar, băt hơdăh tơring âu thoi yơ, noh đơ\ng ro\ng 15 pơn^t khul linh vei xơlam teh hlôi năm truh anih đei kon pơlei [ơm xar bar. Kang [o# linh hlôi glơi găn đak hăm anih ataih đơ\ng jih kông pơhlom 200m noh truh anih đei bơngai tơhlăk. Đơ\ng ro\ng 3 jơ tơjră hăm đak hơbông, khul linh vei xơlam teh Lệ Thanh hlôi do\ng ‘nhăk đei 6 ‘nu tơhlăk truh tơ\ kông xơđơ\ng. Thượng tá Chất adoi ăn tơbăt, âu ưh kơ x^ ‘măng mă blu\ng, lơ ‘măng kang [o# linh tơ\ anih linh âu do\ng kon pơlei lơ\m tơring klaih đơ\ng hơbông:"Lơ\m ‘măng tơgu\m do\ng kon pơlei hloh hlăng đơ\ng đak hơbông to\k blai. Đơ\ng tơdrong hlôh vao noh, rim xơnăm anih linh hlôi kơdih ako\m trong chă do\ng xar bar, atu\m hăm noh pơgơ\r pơhrăm ăn kang [o# linh băt [ơ\t đei đak hơbông noh athei tơgu\m do\ng păng pơm thoi yơ. Noh, [ơ\t xek tơlang dôm tơdrong đei [ôh athei vei xơđơ\ng tơdrong erih păng do\ng tơtom tenh luăng " 

          Dơng: Tơblơ\