VOV4.Bahnar - Sơng iŏk tơ drong krao hơ vơn tơ gŭm ăn tơ drong jang tang găn jĭ hơ buh đơ̆ng Anih Trung ương Mặt trận Tổ quốc Việt Nam, kơ sơ̆ 27/5, Anih pơ gơ̆r Trung ương pơm lêh tơ gop jên tơ gŭm ăn Anih mong jên tang găn jĭ Covid-19.

Hăm đon jang tơ năp, đon pơ hnŏng khŏm tang găn đei jĭ Covid-19, Kơ dră chĕp kơ̆l Anih pơ gơ̆r Trung ương Trương Thị Mai păng rim kăn ƀô̆, bơ ngai jang tơ̆ Anih pơ gơ̆r Trung ương vang tơ gŭm tŏ sĕt hlŏh ‘nŏh 1 năr jên khei.

Pơ ma lơ̆m jơ pơm lêh, Phŏ Kơ dră Anih pơ gơ̆r Trung ương Nguyên Thanh Bình athei rim kăn ƀô̆, bơ ngai jang lơ̆m Anih pơ gơ̆r Trung ương pơm kiơ̆ mă ‘lơ̆ng dôm tơ drong hơ găt tang găn jĭ Covid-19, adrin jang kĕh dôm tơ drong jang chinh trĭ đei pơ jao hai.

Dơ̆ng: Tơ blơ̆