VOV4.Bahnar – Pơrang jĭ Covid 19 hơbuh hli hlơt noh kon pơlei nĕ gan lĕch tơ̆ 'nguaih, tơdrong kăl răt tơmam xa pơtruh kơtă tơ̆ hnam lơ hloh pơm ăn tơdrong yua tơmam như̆a tŏk lơ hloh. Pơm thoi yơ vă tơjră răh pơrang jĭ gơh đei tơnăp mă duh oei vei xơđơ̆ng cham char, tang găn rơm rĕk như̆a? 'Nâu duh jing tơdrong pơkăp jang “Pơma ưh hăm đing trep như̆a” yuơ Anih tơm Mŭk drăm păng Cham char atŭm hăm Anih jang Nestle Việt Nam pơtơm ăh pơgê năr 16/7.  Tơdrong jang Pơma ưh hăm đing trep nhưă đei pơgơ̆r lơ̆m 2 jăl. Jăl mă 1 đơ̆ng khei 7 truh khei 8/2021, tơdrong jang hơvơn atŭm jơhngơ̆m hăm rim anih jang mŭk drăm, anih tĕch tơmam et xa tenh, café, anih pơdăh phim, anih tĕch đak 'ngam trà sữa yua dôm tơmam drăm nai pơtăl kơ đing trep như̆a nhen dang ei. Jăl 2 đei pơgơ̆r đơ̆ng khei  8 truh khei 12/2021 gô tơlĕch lơ tơdrong jang pơm kiơ̆ “TRong jang Pơm thoi yơ ăn Apŭng plenh teh rơgoh hloh”, drŭt kơtang tơroi tơbăt ăn đe hơ ioh, hŏk tro, hnam trưng hŏk nĕ gan yua đing trep như̆a.

Lan chih păng pơre nơ̆r