VOV4.Bahnar - Tơ̆ hơ năp kơnh, tơ drong jĭ Covid-19 oei tơ pŏh tôch hơ mơt hăm lơ pơ rang jĭ tơ plih ‘nao, Anih tơm tơ lĕch nơ̆r sơ kơ̆t, tơ mât jên jang tơ dra oei đei lơ tơ drong krê păng tơ drong nol hăm anih tĕch mơ dro kơ na tơ lĕch 8 grŭp trong jang, pơ jing jơ hngâm pran ăn anih tĕch mơ dro jang tŏk dơ̆ng.

Lơ̆m nŏh akŏm găh tơ drong "tang găn jĭ nhen tang găn hơ yăt", dôm anih jang kơ pal, tơ ring tơ rang akŏm jơ hngâm bơ̆ jang tôch ai, pơ ‘nhŏ ăn tơ drong tang găn ‘lơ̆ng jĭ Covid-19, pơ jing tơ drong hiôk hian ăn anih tĕch mơ dro vei sơ đơ̆ng tơ drong jang xa, tĕch mơ dro, jang tŏk dơ̆ng.

Kiơ̆ kơ ‘nŏh, bơ̆ jang ‘lơ̆ng, đei yoa dôm trong tang găn jĭ Covid-19 hai, pơ jing tơ drong hiôk hian ăn anih tĕch mơ dro vei kơ jăp tơ drong jang xa hai; pơm ‘lơ̆ng ăn tơ drong chơ chuĕn tơ mam; tơ gŭm kăt tơ jur ƀiơ̆ jên huach, hơ met pơ ‘lơ̆ng mơ mat tat găh jên jang ăn anih tĕch mơ dro… 

Hơ dai hăm ‘nŏh, Kơ dră tơm vei lăng tơ drong tơ lĕch nơ̆r sơ kơ̆t, tơ mât jên jang Nguyễn Chí Dũng ăn tơ băt, Thủ tướng tĕh đak vă pơ jing Grŭp jang gĭt kăl ăn Thủ tướng tĕh đak găh tơ drong hơ met pơ ‘lơ̆ng mơ mat tat ăn anih tĕch mơ dro păng kon pơ lei ƀơm ưh ‘lơ̆ng đơ̆ng jĭ Covid-19.

Dơ̆ng: Tơ blơ̆