VOV4.Bahnar - ‘Năr brei (30/11), Kơ dră Anih tơm vei lăng găh jang pơ gang Nguyễn Thanh Long đei jơ bơ̆ jang hăm kơ dră tang măt kơ Anih jang pơ gang apŭng plĕnh teh tơ̆ Việt Nam, Anih vei lăng păng tang găn jĭ hơ buh Mi tơ̆ tơ ring Đông Nam Á păng Anih jang vei sơ đơ̆ng jang pơ gang jơ̆p plei teh CDC Mi tơ̆ Việt Nam vă pơ ma dơ nuh tơ drong kơ tơ̆ng ang găh trong tang găn pơ rang jĭ tơ plih ‘nao Omicron. Kơ dră Anih tơm vei lăng găh jang pơ gang Nguyễn Thanh Long tơ băt, truh dang ei, Việt Nam tam mă đei bơ ngai jĭ COVID-19 hăm pơ rang jĭ tơ plih ‘nao Omicron. Vă kơ chăng tơ jră tơ̆ hơ năp hơ mơt kơ pơ rang jĭ tơ plih âu mơ̆t tơ poh, Anih tơm vei lăng găh jang pơ gang hlôi athei Khŭl kơ dră teh đak set hơ len athei pơ dơh ‘mơ̆i pơ gơ̆r dôm ‘măng păr truh păng năm đơ̆ng dôm teh đak: Nam Phi, Botswana, Namibia, Zimbabwe, Eswatini, Lesotho, Mozambique păng pơ dơh ‘mơ̆i ăn năm mơ̆t tơ̆ teh đak bơ̆n hăm tơ moi năm/ brŏk đơ̆ng dôm teh đak kơ pal ‘noh. Rim anih jang ‘nao tơ băt tơ băt, gô vă vang tơ gŭm păng tơ roi pơ tôch nơ̆r pơ ma tơ blang hơ len gene dôm bơ ngai jĭ COVID-19 vă đei dơ̆ng kơ tơ̆ng ang tơ gŭm Việt Nam tơ jră hăm dôm kơ loăi pơ rang tơ plih ‘nao đơ̆ng yŏng jĭ SARS CoV2.

Thuem: Tơ blơ̆