VOV4.Bahnar - Pơ gê ‘năr (19/9), Anih tơm vei lăng găh jang pơ gang tơ roi tơ băt găh tơ drong  Khŭl jang vei lăng găh jơ hngơ̆m đon teh đak lơ̆m tơ chĕng hơ len y sinh học teh đak hlôi pơ drơ̆ng kiơ̆ pơ tôch đơ̆ng ‘măng pơ long yan âu jăl jang 3 vắc xin Nanocovax, hơ dai hăm ‘noh tơ băt, vắc xin âu đei sơ đơ̆ng păng  đei tang găn pơ rang jĭ mă lei tam mă đei hla ar chih răk vă hơ len lăng kơ jă tơ mơ̆t yua vei lăng. Kiơ̆ kơ ‘noh, Khŭl jang vei lăng jơ hngơ̆m jăn lơ̆m tơ chĕng hơ len y sinh học teh đak hlôi hop akŏm hơ len lăng pơ tôch đơ̆ng ‘măng pơ long lăng yan âu jăl jang 3 vắc xin Nanocovax hăm pơ tôch tơ chĕng hơ len jô̆ truh ‘năr 02/9/2021. Găh đei yua vei lăng ( pơ tôch gĭt kăl hloh găh tơ drong ‘lơ̆ng), truh khei ‘năr dang ei, oei tam mă đei hla ar chih răk vă hơ len lăng tơ drong sĭt đơ̆ng vắc xin Nanocovax kiơ̆ lơ̆m kơ sô̆ bơ ngai jĭ COVID-19 lơ̆m tơ chĕng hơ len, kăl hơ nơ̆ng jang kiơ̆ hơ len lăng găh tơ drong sĭt kiơ̆ tơ drong jang đei kĭ ăn.

Thuem: Tơ blơ̆