VOV4.Bahnar - Anih tơm vei lăng găh pơ tho pơ hrăm ‘nao đei hla ar gơ̆ih kơ rim Anih vei lăng găh pơ tho pơ hrăm găh tơ drong hơ tŏk loi dơ̆ng pơ tho hŏk kiơ̆ internet, lơ̆m ti vi lơ̆m khei ‘năr pơ dơh hŏk vă tang găn jĭ Covid-19. Hla ar đơ̆ng Anih tơm vei lăng găh pơ tho pơ hrăm tơ roi hơ dăh, tơ̆ hơ năp đei ƀôh krê hơ mơt đơ̆ng jĭ Covid-19, lơ̆m khei ‘năr hŏk tro phổ thông, bơ ngai hŏk hơ nơ̆ng pơ dơ̆h hŏk pơ gia, Anih tơm vei lăng găh pơ tho pơ hrăm athei rim Anih vei lăng pơ tho pơ hrăm hơ nơ̆ng hơ tŏk loi dơ̆ng rim trong pơ tho hŏk kiơ̆ internet, ti vi. Mă hơ dăh ‘noh, rim Anih pơ tho pơ hrăm pơ tho rim hnam trưng dăr hơ len, kăt tơ jur ƀai pơ tho vă pơ gơ̆r pơ tho hŏk kiơ̆ internet, lơ̆m ti vi 1 trong mă lăp. Lơ̆m kơ plăh tơ lĕch jang kiơ̆, kăl kơ hơ len lăng, iŏk yua dôm hla ar pơ tho hŏk ‘lơ̆ng, ƀlep vă pơ gơ̆r pơ tho hŏk păng pơ tho hŏk tro hŏk pơ hrăm. Mư̆h hŏk tro năm hŏk hơ lơ̆k dơ̆ng, rim hnam trưng gô pơ gơ̆r dăr hơ len, hơ len lăng pơ tôch hŏk pơ hrăm đơ̆ng hŏk kiơ̆ internet, lơ̆m ti vi.

Thuem: Tơ blơ̆