VOV4.Bahnar - Anih tơm vei lăng găh pơ tho pơ hrăm ‘nao đei hla ar gơ̆ih ăn Kơ dră Anih vei lăng kon pơ lei rim tơ ring, pơ lei tơm găh Trung ương găh tơ drong sơng iŏk, pơm tơ drong hiôk ăn hŏk tro hŏk pơ hrăm tơ̆ hơ nih oei sa yua đơ̆ng jĭ COVID-19. Kiơ̆ kơ Anih tơm vei lăng găh pơ tho pơ hrăm, tơ̆ hơ năp tơ drong jĭ COVID-19 đei ƀôh krê hơ mơt, lơ hŏk tro athei năm brŏk tơ̆ rim tơ ring oei sa mă ư̆h kơ tom năm hơ lơ̆k dơ̆ng tơ̆ hnam trưng hŏk vă pơ tơm mơ̆t hŏk blŭng sơ năm hŏk ‘nao. Vă vei sơ đơ̆ng tơ drong đei yua hŏk pơ hrăm ăn hŏk tro, anih tơm vei lăng găh pơ tho pơ hrăm athei Kơ dră Anih vei lăng kon pơ lei rim dêh char, pơ lei tơm găh Trung ương athei Anih vei lăng pơ tho pơ hrăm, rim hnam trưng jang kiơ̆ sơng iŏk, pơm tơ drong hiôk ăn hŏk tro hŏk pơ hrăm tơ̆ anih oei sa lơ̆m khei ‘năr tang găn jĭ COVID-19, lăp hăm tơ drong hiôk yan âu kơ tơ ring, hnam trưng; jang hơ dai hăm rim tơ ring, hnam trưng hơ nih hŏk tro đei ‘mĕh vă năm păng truh vă sơng iŏk păng hơ met ăn lăm hŏk ăn hŏk tro kiơ̆ ƀlep tơ drong.

Thuem: Tơ blơ̆