VOV4.Bahnar - Thượng tướng Hoàng Xuân Chiến, Phŏ Kơ dră tơm vei lăng khul linh ‘nao pơ jang tơ mam pơ trŏ ăn Bơ ngai tang măt tôm tơ drong kơ tĕh đak CHDCND Lào tơ̆ Việt Nam Sengphet Houngboungnuang kơ sô̆ tơ mam, pơ gang tang găn jĭ đei kơ jă hlŏh 5,2 ti hlak jên đơ̆ng Anih tơm vei lăng khul linh Việt Nam ăn Anih tơm vei lăng khul linh tĕh đak Lào.

Thượng tướng Hoàng Xuân Chiến pơ jao pơ trŏ tơ mam, pơ gang tơ gŭm ăn Lào

Thượng tướng Hoàng Xuân Chiến ăn tơ băt, Anih tơm vei lăng khul linh Việt Nam pơ tho ăn dôm Quân khu, Anih chĕp kơ̆l pơ gơ̆r khul linh, Anih chĕp kơ̆l ƀô đô̆i vei lăng tơ ring sơ lam dôm dêh char dei trong sơ lam hơ doi hăm Lào kiơ̆ tơ drong keư jang đơ̆ng kơ dih athei vang tơ gŭm tơ dăh păih Lào đei nơ̆r athei. 

Bơ ngai tang măt Sengphet Houngboungnuang pơ ma hơ dăh, mưh jĭ Covid-19 tơ pŏh tơ̆ Lào, Việt Nam jĭ tĕh đak boăl juăt mă blŭng tơ gŭm ăn Lào jô̆ hloi găh pơ gang păng bơ ngai juăt jang ƀât mă Việt Nam kŭm oei tơ jră hăm tơ drong jĭ, lơ̆m nŏh khul linh kon pơ lei Việt Nam hlôi tơ gŭm tôch ‘lơ̆ng păng tơ tom.

Dơ̆ng: Tơ blơ̆