VOV4.Bahnar - ‘Năr  9/11, Anih tơm vei lăng Kŏng an pơ gơ̆r lêh jang kiơ̆ Năr Khôi luơ̆t teh đak Cộng hoà xã hội chủ nghĩa Việt Nam. Đại tướng Tô Lâm, Bơ ngai jang lơ̆m Anih tơm Chĭnh trĭ, Kơ dră Anih tơm vei lăng Kŏng an pơ ma tơ̆ jơ pơm lêh, tơ roi rơ đăh: Năr Khôi luơ̆t teh đak Cộng hoà xã hội chủ nghĩa Việt Nam hlôi đei Kŏng an rim anih jang, tơ ring jang kiơ̆ ‘lơ̆ng, tơ păt, đei tơ drong hơ iă hăm dôm tơ drong jang hơ dăh, ‘lơ̆ng, hơ gei, lăp hăm tơ drong yan âu kơ teh đak, păr ang pran kơ tang, tơ gop hơ tŏk ‘lơ̆ng đon hlôh vao, băt kơ chăng, lui yom, vei lăng khôi luơ̆t đơ̆ng rim kon pơ lei pơ ma atŭm, đơ̆ng kang ƀô̆, khŭl linh Kŏng an kon pơ lei pơ ma hơ drô̆. Kơ dră tơm Tô Lâm athei Kơ dră vei lăng Kŏng an rim anih jang, tơ ring jang ‘lơ̆ng hloh dơ̆ng tơ drong jang hơ len lăng tơ drong pơm kiơ̆ khôi luơ̆t, tơ roi tơ băt, pơ tho khôi luơ̆t, jang kiơ̆ tơ drong tơ chơ̆t kon pơ lei pơm tơm, vei lăng găh sek phak pơm glăi hanh chĭnh đei bơ̆ jang kiơ̆ hơ nơ̆ng, đei yua.

Thuem: Tơ blơ̆