VOV4.Bahnar - Hăm tơdrong hơbuh hli đơ\ng tơdrong j^ âu, khul kơpal kơ Anih tơm Y te# hlôi năm truh Tây Nguyên chă pơđăp trong jang tenh kuăng vă tơjră j^ đuh dăng hơlo\ng ([ăch hâu) tơ\ tơring âu:

Đơ\ng khei 6 truh dang ei, hlôi đei 72 ‘nu [ơm j^ đuh dăng hơlo\ng tơ\ 10 pơlei lơ\m 4 dêh char tơring Tây Nguyên. 3 ‘nu hlôi lôch hơchăng. Bơngai [ơm j^ noh đơ\ng 3 truh 60 xơnăm.  28 ‘nu bơngai đei [ôh nhen [ơm pơrang j^ âu đei je# 50%. Tơdrong mă âu ăn [ôh, tơdrong tơpoh j^ đuh dăng hơlo\ng tơ\ tơring Tây Nguyên noh hli hlơt tơpă. Tơbang găh tơdrong răm đơ\ng hơbuh j^, Tiên sih Đặng Quang Tân, Kơdră Anih tơm y te# yư\ phong ăn tơbăt: Tơpă đei [ôh tơ\ dôm pơlei pơla hơbuh j^ noh tơtă tơ\ ataih yaih, tơring bơngai kon kông. Ăh nhôn năm truh hơlen noh [ôh tơdrong erih tơnap tap. Rim pơlei ưh đei trong nơnăm hiôk hian. Ăh kang [o# y te# truh noh kon pơlei ưh gan oei tơ\ hnam, tơnap ăn tơdrong chă [et pơgang tang găn j^. Atu\m hăm noh tơdrong mă dôm pơlei pơla hơnơ\ng ako\m khop, hnam oei tơje# băl duh jing minh tơdrong [ônh tơpoh j^ dih băl lơ\m tơpôl đơ\ng dôm bơngai đei xơmach j^ dăng hơlo\ng lơ\m hơkâu jăn.

Lơ\m kơso# dôm dêh char tơring Tây Nguyên, Đăk Nông đei kơso# bơngai [ơm j^ đuh dăng hơlo\ng lơ hloh, hăm 28 ‘nu [ơm j^, pơtoi kơ noh Kon Tum, 24 ‘nu [ơm j^. Vă tang găn tơdrong j^ đuh dăng hơlo\ng dôm dêh char Tây Nguyên, Anih tơm Y te# hlôi tơle\ch lơ trong jang nhen tơklăh oei pha hăm dôm tơring hơbuh pơrang, hơlen pham hăm dôm bơngai đei xơmach j^ âu, hơmet j^ hăm dôm bơngai hlôi [ơm j^, tơle\ch huch pơgang khang sinh, [et pơgang bơ\ng j^ ăn hloh 10 rơbâu ‘nu kon pơlei tơ\ dôm pơlei pơla hơbuh j^ [ăch hâu.

Găh dêh char Gia Lai, hăm kơso# đei [ôh noh 17 ‘nu, to\ xe\t hloh Đăk Nông păng Kon Tum, mă lei đei xơkơ\t jing hli hlơt, kơlih đei 1 ‘nu lôch hơchăng, 1 ‘nu noh j^ ăl to\k bo\k oei đei hơmet kăl hloh.

Vă tơjră j^ đuh dăng hơlo\ng, tơdrong tang găn pơrang j^ tơ\ dêh char Gia Lai đei tơle\ch jang tơnăp hăt hot nhen: tơklăh oei pha, pruih pơgang pơlôch xơmach păng dôm tơdrong jang nai vă tanggăn pơrang tơpoh lang xă. Tơ\ anih hơbuh pơrang pơlei Bông Hiot, xăh Hải Yang, apu\ng Đak Đoa, jơnu\m pơgơ\r tơring Hải Yang hlôi ako\m khul pơm jang chă tơgu\m ăn kon pơlei Bông Hiot, nhen chă tơroi tơbăt găh trong tang găn păng tơjră j^ nhen hlôi tơroi; tơgu\m tơtom ăn kon pơlei [ơ\t kăl chă răt dăh mă tơmam kăl truh. Kiơ\ kơ [ok Mai Xuân Hải, Kơdră Anih jang Y te# Gia Lai, anih jang y te# dêh char hlôi hơmet tôm tơdrong kăl vă tang găn pơrang: Anih jang y te# hlôi hơmet tôm tong nhen pơgang hơmet j^, hoă chơ\t vă tang găn păng hơmet pơrang j^. Dang ei nhôn pơtoi hơlen lăng pơrang j^ hơbuh thoi yơ, tơtom tơklăh oei pha, tơtom băt dôm bơngai [ơm j^ vă dăh hơmet tenh, tang găn tơnăp hăm tơdrong tơpoh j^ lơ\m tơpôl păng tơjur [iơ\ tơdrong lôch răm.

Pơgơ\r ‘măng bơ\ jang Yăo sư Tiên sih Nguyễn Thanh Long, jang tơdăng {o# trưởng Anih tơm Y te# xơkơ\t: Trong pơkăp đơ\ng Anih jang tơm noh athei hơmet pơklaih tơdrong j^ âu tenh kuăng hloh păng xơđơ\ng hloh, atu\m hăm noh vei xơđơ\ng tơnăp ăn dôm xơnăm đơ\ng ro\ng. Mă đei dôm tơdrong tơnap hlo, mă lei dôm dêh char tơring Tây Nguyên duh gô hrôih hơmet klaih tơdrong j^ đuh dăng hơlo\ng, chă io\k hơlen pham hram xơmach hlôi đei hơto\k. Đăk Nông – tơring mă pơrang j^ hơbuh hli hlơt hloh, hlôi kơdih chă hơlen bơ\ng j^; dôm dêh char nai duh gơh hơlen pham tơtom tơ\ Anih jang Hơlen pơrang j^ Tây Nguyên. Anih tơm Y te# hlôi kơchăng hmo\ 500 rơbâu kơliêu vác xin j^ đuh dăng hơlo\ng vă Tây Nguyên hơmet klaih tơdrong j^ âu.  

Lan chih păng rapor