VOV4.Bahnar - Anih vei lăng kon pơ lei dêh char Dak Lak đei hla ar athei rim apŭng, thị xăh, pơ lei tơm athei pơ dơ̆h bơ̆ jang rim hơ nih tĕch mơ dro hơ ri hơ soang, et sa, teh bida, hơ ri karaoke, hơ nih pơ dăh phim, hơ nih ngôi pơ chơt hơ ioh... đơ̆ng ‘năr 4-5-2021. Hăm dôm hơ nih mơ dro sa nai đei ăn phep tĕch mơ dro mă lei athei pơm kiơ̆ tơ păt dôm trong jang tang găn jĭ. Rim tơ drong jang akŏm lơ bơ ngai ( hơ kŭm pơ hrăm, et pơ kong, et sa, hop akŏm... ) athei pơm kiơ̆ tơ păt nơ̆r pơ kăp 5 tơ drong, vei lăng kơ jăp dôm bơ ngai truh đơ̆ng tơ ring jĭ. Kon pơ lei truh đơ̆ng tơ ring jĭ tŏk bŏk jang kiơ̆ pơ vang găn đơ̆ng rim dêh char, pơ lei tơm ( lăng kiơ̆ tơ băt hơ dăh đơ̆ng Anih tơm vei lăng găh jang pơ gang păng anih vei lăng kon pơ lei rim tơ ring) athei năm tơ̆ hnam pơ gang jê̆ hloh vă pơm kiơ̆ tơ roi tơ băt y tế păng pơm kiơ̆ tơ drong ăn oei hơ drô̆ tơ̆ hnam kiơ̆ ƀlep tơ drong hơ găt.

Thuem: Tơ blơ̆