VOV4.Bahnar - To\k 5 xơnăm kơ âu A Kâm, 30 xơnăm, bơngai Bahnar tơ\ pơlei Kon Kơ Tu, xăh Đăk Rơ Wa, plei tơm Kon Tum, dêh char Kon Tum pơtoi lăm ho\k ưh huach jên pơtho ăn kon mon lơ\m pơlei. Đunh kơ âu hloh 1 khei, kơyuơ tam mă đei hla bar axong pơm jang noh lăm ho\k athei pơdơh lơ\m tơdrong ‘mêm đơ\ng kon pơlei păng đe hơ ioh pơngơ\t kơ đon. Dang ei A Kâm tam mă băt trong yơ vă đei hla bar axong pơm jang vă pơtoi gơh jang tơnăp tơdrong jang po hơpơi.

Đơ\ng kơsơ\ măng pơmai oh Y Nes adro# tơre\k lơ\m tơdrong lăng phim p^m pu\m. Đunh kơ âu hloh 1 khei noh pha, Y Nes tơ oei ho\k ăh lăm ho\k ‘mêm bơnat kơ thây A Kâm. Khei năr blu\ng năm ho\k tơ\ trưng, Y Nes ưh kơ kloh kle\ch noh tơnap tap hloh kơ bôl boăl [ơ\t pơma nơ\r Việt. Đơ\ng ro\ng 3 xơnăm đei thây Kâm pơ ‘nam pơtho ăn, dang ei ưh adro# nơ\r Việt, Y Nes oei gơh pơma hloi nơ\r Anh. Lăm ho\k kơ thây Kâm tang ‘măng, Y Nes he\l kơ đon: “Kon ho\k hăm thây Kâm đơ\ng lăm mônh dang ei kon oh lăm 4 bơih. Thây pơtho kon băt Toan păng nơ\r Việt. Dôm [ai ho\k tơ\ lăm mă kon ưh gơh chă bơ\ noh vih tơ\ hnam apinh thây Kâm noh thây pơtho ăn. Thây Kâm tơgu\m inh, pơtho ăn kơ inh vă inh hlôh vao hloh. Dang ei thây Kâm pă đei pơtho bơih, inh tôch he\l kơ đon”.

Ưh adro# ho\k tro he\l xơ ‘ngon, đe me\ [ă ho\k tro lơ\m pơlei đei kon hơ ioh ho\k tơ\ hnam A Kâm adoi ‘mêm. Pơmai  Y Cher tam mă ho\k đ^ lăm 12, tơdrong pơtho ăn kon hơ ioh ho\k pơhrăm pơmai ưh gơh ôh noh gơnơm đ^ lơ\m A Kâm: “Oh Kâm noh hăp hlôh vao, tơ\ hnam inh ưh kơ băt chă pơtho kon hơ ioh ho\k chư tơnap tap noh ôh”.

Hnam A Kâm ăh tôch pơlei Kon Kơ Tu. Dôm ‘năr adrol ki jơ âu, đe hơ ioh ako\m ho\k pơhrăm. Dôm j^t ‘nu hơ ioh ưh kơ lui mă lei mơ\ng kiơ\ nơ\r thây Kama tôch tơnăp. Hloh 1 khei kơ âu lăm ho\k tang ‘măng, 18 kơ[ang tang do\ atu\m hăm kơ[ang găm chih chư mă A Kâm mong jên chă răt đei ‘măn pơtho ăn đe hơ ioh dang ei pă yua kiơ. A Kâm pơngơ\t kơ đon ưh kơ băt vă pơm thoi yơ gơh đei io\k hla bar axong jang đơ\ng anih jang kơpal: “Inh hli tơre\k truhtơ\ jơnu\m pơgơ\r tơring kơlih vưh âu xơ\ găh Anih Pơtho Pơhrăm pơtruh nơ\r hăm jơnu\m pơgơ\r tơring. Đe xư akhan mưh inh ‘meh pơtho noh athei bơ\ hla bar chih măt. Inh athei pơdơh le# ‘mơ\i lăm ho\k âu vă gô đei hla bar bơ\ keh đang”.

Mă hưch hanh ră mă lei A Kâm duh ưh kơ băt pơm thoi yơ vă keh đang đei tôm hla bar vă pơih lăm pơtho ăn kon hơ ioh lơ\m pơlei. Tơdrong tơm noh tơdrong tơbăt, tơroi găh lăm ho\k kơ A Kâm đơ\ng minh kang [o# kơ Anih Pơtho Pơhrăm plei tơm Kon Tum duh kiơ\ đie#n thoăi đe\ch. Truh dang ei tam mă đei bơngai yơ truh năm hơlen kơtă tơ\ hnam păng pơtho ăn A Kâm bơ\ hla bar kăl âu to. Ưh adro# A Kâm to# đon, đe me\ [ă ho\k tro lơ\m pơlei Kon Kơ Tu oei to# đon hloh păng adro# hơpơi lăm ho\k thây Kâm vih pơih ‘măng. Pơmai Y Trinh jơjo\k, thây Kâm pă đei pơtho bơih, đe hơ ioh lơ\m pơlei chă thông ngôi kư\ kă đe\ch bơih: “{ôh đe boăl chă pơxuh ngôi tơ\ ‘nguaih, ưh kơ xu\k ho\k ôh. Hơnơ\ng kơdâu le\ch tơ\ ‘nguaih chă thông đe\ch. Mưh đei lăm ho\k noh đe hăp ako\m ho\k xo# xôn hloh, lăp ho\k tơ\ noh đe\ch, oei ho\k tơ\ hnam noh lơ đe hơ ioh ưh kơ ‘meh ho\k [ai ôh. Atăm me\ [ă chă jang mir noh đe xư ưh đei jơ chă pơtho akhan kon hơ ioh. Hơnơ\ng le# thoi ăi đe\ch, ‘meh noh ho\k oei ưh noh le#”.

Pơlei Kon Kơ Tu đei hloh 120 unh hnam kon pơlei Bahnar erih jang xa. Por xo\ng tam mă măh, tam mă ‘lo\ng noh kon pơlei ưh đei tơre\k truh tơdrong ho\k pơhrăm đe kon hơ ioh ôh. Dôm xơnăm tơje# âu, plei tơm Kon Tum xơkơ\t hơto\k Kon Kơ Tu jing pơlei tơmang pơhiơ\. Duh yuơ đơ\ng noh, A Kâm kho\m mă pơih lăm pơtho ưh kơ io\k jên ăn đe hơ ioh lơ\m pơlei, mă kăl noh ho\k nơ\r Anh. Tơdrong mă âu tro\ hăm tơdrong gơh đơ\ng A Kâm kơlih kơdih po hlôi ho\k đang Cao đẳng Sư phạm găh pơtho nơ\r Anh. {ok kơdră Thôn A Nun ăn tơbăt, adro# đei chư đe\ch gơh tơplih tơdrong erih đe hơ ioh ning mônh kơnh păng A Kâm to\k bo\k oei tơgop jang tơnăp tơdrong mă âu: “Đei oh Kâm pơtho ăn đe kon mon kon xâu, pơtăl kơ ho\k tơ\ hnam noh ho\k [ai tơ\ hnam oh Kâm. Oh Kâm pơtho đe hơ ioh ho\k hơlen dơ\ng dôm [ai đei ho\k tơ\ hnam lăm hnam trưng”.

Khei năr lăm ho\k kơdra#m hloh kơ lăm ho\k ưh kơ huach jên kơ A Kâm tơ\ pơlei  Kon Kơ Tu ako\m đei pơhlom 90 ‘nu hơ ioh đơ\ng lăm 1 truh lăm 9 kiơ\ ho\k. Vă măh anih oei ho\k ăn đe hơ ioh, A Kâm io\k jên khei jang Pho\ kơdră Anih Măt tra#n tôh kuôk Việt Nam xăh Đăk Rơ Wa vă hơmet hnam jing lăm ho\k.

Đang kơ noh chă hơvơn đe tơgu\m hal bar săch, ‘long chih păng [anh ke\o vă hơlêm đe hơ ioh năm ho\k pơhrăm găt hloh. Hăm tơdrong pơm kiơ\ tơnăp tơchơ\t mưh đei, A Kâm dang ei oei chă hơlen lăng mă lei duh tam mă băt pơm thoi yơ vă đei hla bar axong pơm jang vă pơtoi jang tơnăp tơdrong jang mă kơdih po hơpơi jang.

Lan chih păng rapor