VOV4.Bahnar - Atu\m hăm dôm dêh char plei tơm lơ\m ja#p teh đak, tơdrong jang hơmet ăn xơnăm ho\k ‘nao tơ\ dôm tơring ataih yaih kơ dêh char Gia Lai hlôi đei io\k jang tơnăp lơ\m dôm khei pơdơh hè. Mă oei lơ tơnap tap, cho\ng mă truh khei năr âu, dôm apu\ng tơnap tap lơ\m dêh char hlôi kơchăng ăn xơnăm ho\k ‘nao. {ai chih tơ\ hơla âu tơroi găh tơdrong hơmet ăn xơnăm ho\k ‘nao tơ\ apu\ng ataih yaih Kbang, pơlei pơla {ok Đinh Núp nuih mơng.

Hnam trưng Phổ thông Dân tộc bán trú Tiểu học Đăk Roong oei ăh tong ane# bri kông, lơ\m xăh tơnap tap Đăk Roong, ataih đơ\ng anih tơm apu\ng Kbang pơhlom 70km. Tôm lơ\m kxo# 300 ‘nu ho\k tro bngai Bahnar tơ\ âu ho\k oei nội trú, yuơ hnam oei ataih đơ\ng hnam trưng hloh 10km, trong nơnăm noh bri ngăl. Vă hiôk ăn đe oh ho\k tro, hnam trưng hlôi hơvơn lơ jơhngơ\m jang, man anih oei bán trú vă đei anih oei xa ăn ho\k tro. Ăh khei ‘mi kial noh ho\k tro oei lăi 2 [lon, pho\ noh oei minh khei hloi pơtơm vih tơ\ hnam minh ‘măng. Mơ\t ho\k xơnăm ho\k ‘nao 2015-2016, hnam trưng hăt hot oei ming hơmet păng keh đang dôm anih xo\ng xa, lăm tep, atu\m hăm tơdrong kăl nai vă xơng ho\k tro truh oei. {ok Phạm Quốc Tuấn, Kdră hnam trưng Phổ thông Dân tộc bán trú Tiểu học Đăk Roong, xăh Đăk Roong, apu\ng Kbang, dêh char Gia Lai ăn tơbăt: "Vă hơmet ăn xơnăm ho\k ‘nao, hăm kxo# ho\k tro, đang kơ noh anih oei xa, anih ako\m ho\k pơhrăm noh hnam trưng duh hơmet đơ\ng blu\ng khei 7. Axong pơih xă hơmet tôm tơdrong kăl. Truh dang ei noh nhôn đei xđơ\ng tôm anih kăl vă xơng đe ho\k tro truh ho\k ăh xơnăm ho\k ‘nao "

Hnam trưng tiểu học Sơn Lang, lơ\m xăh tơring 3 Sơn Lang, xơnăm ho\k ‘nao âu, đei 100 ‘nu ho\k tro Bahnar gô kiơ\ ho\k oei bán trú, đei pơhlom 30% ho\k tro kơ ja#p hnam trưng. Tôm đe oh đei tơdrong erih tơnap tap, hnam ataih đơ\ng hnam trưng hloh 6km. ‘Nâu jing xơnăm mă blu\ng hnam trưng đei dêh char Gia Lai k^ pơkăp tơgu\m ăn đe oh năm ho\k oei bán trú. Mă hnam trưng adoi oei lơ tơnap tap, khul kang [o#, thây kô pơtho kơ hnam trưng adrin hơmet păng truh khei năr âu hlôi tôm ăn tơdrong mơ\t ho\k xơnăm ho\k ‘nao. Yă Nguyễn Thị Phượng, Kdră hnam trưng Tiểu học Sơn Lang, xăh Sơn Lang, apu\ng Kbang, dêh char Gia Lai tơroi: "Hơmet ăn xơnăm ho\k 2015-2016, hnam trưng hlôi hơmet hnam oei, lăm ho\k pik đak xơng ‘nao hăm lăm ho\k hlôi xo păng hơmet hnam oei bán trú ăn 100 ‘nu ho\k tro vih oei tơ\ tơring âu, hơmet tôm tơmam drăm, hnam trưng lăm ho\k vă io\k bngai pai por ‘nhot vei lăng ho\k tro"

Atu\m hăm tơdrong adrin đơ\ng anih jang pơtho pơhrăm, vă hơmet ăn xơnăm ho\k ‘nao, tơ\ lơ xăh tơring ataih yaih kơ apu\ng Kbang oei đei tơdrong tơgu\m jơhngơ\m đơ\ng lơ me\ [ă ho\k tro păng dôm bngai jang ‘mêm bơnat. Rim bngai atu\m chă hơmet hnam trưng lăm ho\k, atu\m hăm noh pơtăm ‘nhot, rong ier, nhu\ng... vă pơm trong hiôk ăn ho\k tro ho\k pơhrăm, đei anih oei xa xđơ\ng tơ\ hnam trưng hloi. Pơmai Nguyễn Thị Trúc Phương, Kdră Khul jang ‘mêm bơnat đơ\ng plei tơm Hồ Chí Minh truh apu\ng Kbang tơgu\m anih jang pơtho pơhrăm hơmet ăn xơnăm ho\k ‘nao tơroi:“ Đe hơ ioh tơ\ âu noh oei k[ah lơ tơdrong. Ba oei tơ\ Sài Gòn năm tơ\ âu [ôh hơdăh noh ba athei tơgu\m đe hơ ioh găh tơmam drăm, đon bơnôh. Ưh kơ đei lơ mă lei noh jing đon bơnôh băt ‘mêm, đang kơ noh tơdrong ‘mêm kơ eng đơ\ng rim bngai noh nhôn adrin rim xơnăm vih hơlơ\k tơ\ âu minh ‘măng vă atu\m hăm thây kô pơtho tơgu\m ăn ho\k tro”

Xơnăm ho\k ‘nao âu, ja#p apu\ng Kbang đei hloh 15.000 ‘nu ho\k tro, kiơ\ ho\k tơ\ 53 hnam trưng mầm non truh ka#p 3. Truh khei năr âu, đ^ đăng hnam trưng lơ\m apu\ng hlôi kơchăng dôm tơdrong kăl ăn xơnăm ho\k 2015-2016. Yă Hoàng Thị Quế, Pho\ kdră Anih jang găh pơtho pơhrăm apu\ng Kbang, dêh char Gia Lai tơroi: "Hăm anih jang pơtho pơhrăm Kbang noh truh khei năr dang ei, kăp g^t hlôi keh đang tôm vă hơmet ăn xơnăm ho\k ‘nao. Găh tơmam drăm, hnam trưng lăm ho\k, khul thây kô pơtho duh nhen ho\k tro hlôi keh đang jang tôm tơdrong kăl. Truh năr 24/8 noh ho\k tro jăl trung học cơ sở mơ\t ho\k bơih, jăl mầm non păng tiểu học noh pơtơm ho\k đơ\ng năr 31/8, jang kiơ\ [lep xkơ\t biên chế kơ xơnăm ho\k"

Atu\m hăm ja#p teh đak, apu\ng ataih yaih Kbang, dêh char Gia Lai, pơlei pơla {ok Đinh Núp nuih mơng hlôi kơchăng ăn xơnăm ho\k ‘nao, lơ\m tơdrong adrin atu\m đơ\ng dôm jăl pơgơ\r tơ\ tơring, anih jang kpal păng kon pơlei atu\m tơre\k tơgu\m ăn tơdrong pơtho ho\k pơhrăm.

Lan chih păng rapor