VOV4.Bahnar - Tơ̆ Hnam Kuô̆k hô̆i, Kơ dră Kuô̆k hô̆i Vương Đình Huệ pơ gơ̆r bơ̆ jang trư̆k tuyê̆n hăm Khul tĕch mơ dro tih kơ Mi - ASEAN kiơ̆ nơ̆r athei đơ̆ng Khul vei lăng tĕch mơ dro Mi - ASEAN hăm dôm anih pơih pơ dăh tơ̆ 12 tĕh đak.

Lơ̆m jơ bơ̆ jang, Kơ dră Kuô̆k hô̆i Vương Đình Huệ hơ pơi ‘mĕh dôm anih tĕch mơ dro Mi păng Khul tĕch mơ dro Mi - ASEAN hơ tŏk tơ drong pơ ma nuh găh tơ drong tơ gŭm, ưh lăp vă hơ met pơ ‘lơ̆ng mơ mat tat, tơ hlăk tăk păng tơ lĕch nơ̆r athei mă rơ đăh đĕch, mă oei pơ ma nuh găh tơ drong tơ gŭm kiơ̆ trong đĭ đăng iŏk jơ nei ngăl, pơ đĭ Khul kơ dră tĕh đak păng anih tĕch mơ dro tơ tă iŏk jơ nei ngăl, oei kon pơ lei păng bơ ngai jang ‘nŏh đei xa yoa.

Atŭm hăm ‘nŏh hơ tŏk tơ drong tơ gop vă khôi luơ̆t Việt Nam pơm lăp hăm tơ drong arih xa tơ̆ Việt Nam hai, pơm lăp hăm tơ dỏng hơ găt lơ̆m tơ ring panwg apŭng plenh tĕh hai.

Dơ̆ng: Tơ blơ̆