VOV4.Bahnar - Lơ̆m nơ̆r tơ roi ‘nao âu đơ̆ng Anih jang kơ Khul kơ dră tĕh đak, Phó Thủ tướng Lê Minh Khái athei jăh hơ met pơ kĕh trong tơ gŭm vă tơ gŭm ăn đe drŏ kăn, đe hơ iŏh tơ ƀâp mơ mat tat yoa đơ̆ng jĭ Covid-19. Khul kơ dră tĕh đak athei Anih tơm vei lăng tơ drong jang xa, linh jĭ rơ ka păng tơ pôl jang hơ doi hăm dôm anih tơm, anih jang đei ƀơm truh jăh chih pơ kĕh Hla ar tơ chơ̆t đơ̆ng Khul kơ dră tĕh đak găh tơ drong ‘nâu.

Găh tơ drong tơ gŭm ăn rim bơ ngai, unh hnam tơ ƀâp mơ mat tat lơ̆m tơ drong arih xa yoa đơ̆ng jĭ Covid-19 vih tơ̆ pơ lei oei xa đei tŏk iŏk jên vă jang xa, tĕch mơ dro, Phó Thủ tướng pơ jao ăn Anih tơm tơ lĕch nơ̆r sơ kơ̆t tơ mât jên jang, jang hơ doi hăm Anih tơm vei lăng tơ drong jang xa, linh jĭ rơ ka păng tơ pôl, Anih mong jên tơ gŭm ăn tơ pôl păng dôm anih jang đei ƀơm truh, tơ lĕch trong jang atŭm vă bơ̆ jang tơ iung ming păng jang tŏk dơ̆ng mŭk drăm, tơ pôl, roi ăn anih jang kơ pal set hơ len, kĭ tơ chơ̆t.

Dơ̆ng: Tơ blơ̆