VOV4.Bahnar - Kơ iĕng Thủ tướng Phạm Bình Minh ‘nao chĭh pơtrŭh hla bơar athei Dơnŏ anĭh tơm vei lăng trong gre nơnăm pơm tơm, jang hơdoi hăm Dơnŏ anĭh vei lăng sơđơ̆ng Trong nơnăm Tĕh đak tĕnh koăng dăr lăng, tơroi tơbăt ăn Thủ tướng Tĕh đak hơlen hơdăh rim kơdră jang lơ̆m Dơnŏ anĭh vei lăng sơđơ̆ng Trong nơnăm Tĕh đak; adoi athei Dơnŏ anĭh vei lăng Sơđơ̆ng trong nơnăm rim tơring tĕnh koăng dăr lăng, lăng hơlen rim kơdră jang vă sơđơ̆ng ăn bơ̆ jang vei lăng sơđơ̆ng trong nơnăm lơ̆m khei ‘năr hle. Kơ iĕng Thủ tướng athei Dơnŏ anĭh tơm Kŏng ang pơrô̆ athei Kŏng ang rim hơnĭh, tơring hơnơ̆ng atŏk kơtang dăr joang, lăng hơlen păng xek tơlang tơdrong pơm glăi sơđơ̆ng trong nơnăm tơklep hăm tang găn jĭ Covid-19; pơkă athei ư̆h kơlê̆ đei tơhlăk trong nơnăm tơ̆ rim hơnĭh gak tang găn jĭ hơbŭh, pơm kơnê̆ trŭh tơdrong chă gre kơdau chơ tơmam drăm păng tơdrong chă yơ yak kơ kon pơlei, atŏk kơtang tơpŏh jĭ.

Tơblbơ̆ nơ̆r: Amazưt