VOV4.Bahnar - Ƀlep lơ̆m năr tơbăt 45 sơnăm pơjing tơbôl Việt Nam-Ethiopia (1976-2021), Kơdră chĕp pơgơ̆r Dơnŏ anĭh tơm jang tơbôl Bùi Thanh Sơn hlôi krao điên thoăi pơma dơnŭh hăm Kơ iĕng Thủ tướng, Kơdră jang tơbôl Ethiopia Demeke Mekonnen vă pơma dơnŭh găh jang hơdoi dĭh băl păng vang jang hơdoi lơ̆m hop akŏm pơma dơnŭh lơ pang. Tơ̆ pơma dơnŭh, ƀar păh hlôi chă pơma dơnŭh dĭh băl rim trong jang atŏk kơtang jang hơdoi ƀar tĕh đak lơ̆m khei năr kơnh, lơ̆m au tơlĕch jang hơdoi atŏk kơtang ăn rim khŭl năm ngôi dĭh băl mư̆h tơdrong đĭ kĕ tang găn jĭ hơbŭh Covid-19, lăng kơ jăp pơ̆ih să jang hơdoi mŭk drăm, chă tơchĕng rim trong jang hơdoi adoi nhen pơm keh đang hla bơar vă pơjing rơvơn ăn jang hơdoi ƀar păh. Ƀar păh jei pơma dơnŭh mĭnh ƀar tơdrong lơ̆m tơring păng lơ̆m apŭng plĕnh tĕh mă ƀar păh lăng trŭh, Kơdră jang tơbôl Bùi Thanh Sơn sơkơ̆t hơdăh, Việt Nam tơgum djru tơdrong xek tơlang rim tơdrong tơgar dĭh băl apŭng plĕnh tĕh ‘moi kiơ̆ trong rơngei hiôk hian kiơ̆ ‘moi khôi luơ̆t apŭng plĕnh tĕh, ƀlep lăp hăm Tơdrong pơkăp kơ Liên hợp quốc.

Tơblơ̆ nơ̆r: Amazưt