VOV4.Bahnar - Ƀơ̆t kơ plăh Việt Nam tŏk bŏk tơ jră hăm jĭ Covid-19 tơ̆ lơ tơ ring, gơ măng ‘năr 26/8, Australia ‘nao tơ roi tơ băt lơ̆m giĕng ‘nâu gô pơ truh ăn Việt Nam ‘măng vaccine blŭng a ‘noh đei 400 rơ bâu kơ liêu vaccine lơ̆m akŏp kơ sô̆ vaccine mă teh đak ‘nâu hlôi pơ kăp tơ gŭm Việt Nam. Kơ sô̆ vaccine âu oei lơ̆m akŏp kơ sô̆ 1,5 triệu kơ liêu vaccine AstraZeneca mă Australia hlôi pơ kăp pơ truh ăn Việt Nam lơ̆m sơ năm ‘nâu. Kơ sô̆ vaccine âu đei Australia pơ kăp pơ truh ăn Việt Nam hơ dai hăm kơ sô̆ jên tơ gŭm 40 triệu AUD vă vang hơ dai hăm UNICEF tơ gŭm Việt nam tơ jră hăm Covid-19. ‘Ngoăih kơ ‘noh, Australia kŭm tơ gŭm Việt Nam tơ jră hăm Covid-19 ‘moi kiơ̆ jên tơ gŭm đei kơ jă 130 triệu AUD lơ̆m tơ drong jang COVAX tơ gŭm rim teh đak tŏk bŏk pơ drŏng đei gơh yua vaccine 1 trong hơ tŏ hơ nơ̆ng.

Thuem: Tơ blơ̆