VOV4.Bahnar -  Đei tơ drong ăn phep đơ̆ng Jơ nŭm vei lăng pôk rơ̆ih teh đak, ‘năr 4/5, Anih vei lăng pôk rơ̆ih dêh char Bà Rịa-Vũng Tàu hlôi pơ gơ̆r pôk rơ̆ih bơ ngai tang măt Kuôk hô̆i jăl 15 păng bơ ngai tang măt jơ nŭm pơ gơ̆r kon pơ lei rim tơ ring jăl jang 2021-2026 ăn kơ kang ƀô̆, khŭl linh, bơ ngai jang kơ rim anih jang khŭl linh ƀô̆ đô̆i ‘noh Linh vei lăng đak dơ sĭ, kanh sat đak dơ sĭ, linh vei lăng bơ ngai jang ka, rim hơ nih khoan păng kon pơ lei jang ka, bơ̆ jang đunh năr tơ̆ đak dơ sĭ. Kiơ̆ kơ Anih vei lăng pôk rơ̆ih dêh char Bà Rịa-Vũng Tàu, lơ̆m dêh char đei dang 3.122 ‘nu bơ ngai tăh hla tăh kơ phiê̆u hrôih ‘noh jĭ kang ƀô̆, khŭl linh đak dơ sĭ, kanh sat đak dơ sĭ, linh vei lăng bơ ngai jang ka, rim hơ nih khoan păng kon pơ lei jang ka, bơ̆ jang đunh năr tơ̆ đak dơ sĭ găh tơ drong pơm tơm kơ Việt Nam, ư̆h kơ tom brŏk tăh kơ phiê̆u pôk rơ̆ih ƀlep năr 23/5 truh au kơnh.

Thuem: Tơ blơ̆